2019年4月16日 星期二

名古屋篇 - 竜泉寺之湯 (名古屋守山本店)


我要講明先, 今集並不是廣告!! 我無收錢, 如果將來有人肯比錢我我又唔怕收.  今集帶大家去名古屋浸溫泉, 仲要係露天嗰隻!



拿, 係咪正先, 呢個係7色LED露天風呂, 由於呢間店位於半山上面, 所以望出去完全唔怕有人會睇到你, 無論男同女既露天風呂都可以安心咁邊浸邊欣賞名古屋夜景.  想知幾錢同點去? 繼續睇埋落去啦.

2019年4月9日 星期二

伊勢神宮 / 托福橫丁 (おかげ横丁)


今日介紹既伊勢神宮, 日本人話一生人一定要去一次. 而我去完之後, 我都好想同大家講, 一定要去, 好值得去!!

伊勢神宮的正式名稱為「神宮」,位於日本三重縣伊勢市,由供奉天照大御神的皇大神宮(內宮)以及供奉豊受大御神的豊受大神宮(外宮)為主的125座神社所構成,其面積幾乎相當於法國巴黎

在此一年內舉行約1,500場祭典,祈求皇室繁榮、國民平安及五穀豐收。

伊勢神宮除咗面積勁大之外, 佢既地位係超越晒全日本所有既神社, 所以伊勢神宮喺日本既社格制度 (即係神社等級)中, 唯一一間無被評級既神社, 利害未?  亦都係咁, 所以伊勢神宮可以簡稱自己做神宮. 但係其餘既神宮 (例如東京市既明治神宮), 都一定要講自己叫XX神宮, 無得簡稱.

講咗咁耐, 不如睇睇地圖, 感受下神宮有幾大先啦.


2019年3月26日 星期二

名古屋篇 - 田縣神社 Tagata-Jinja (J神)

上一集, 帶大家去名古屋小牧市參拜一間 "乳神" 為主題既廟 間間觀音.  今集去邊? 睇吓上面張相入面嗰支係乜? 無錯, 係 J神!! (泰國叫巨靈神). 上次乳神都唔淨係女士們先拜啦, 所以今集既 J神都唔一定係男士們去拜架喎, 其實佢有一樣野係主治18歲以上男女既, 究竟係乜? 繼續睇落去啦.

2019年3月19日 星期二

名古屋篇 - 間々観音 (間間觀音) Mamakannon (乳神)


唔講你唔知, 全日本最多寺廟/神社既地方, 唔係京都, 而係愛知縣 (名古屋), 愛知縣有超過8000間寺廟及神社, 可想而知愛知縣人有幾迷信.  亦都因為咁, 呢度有好多 專科寺廟/神社, 今日先帶大家黎名古屋 "與神 (乳神) 同行".  黎得搵乳神, 你梗係以為佢既專科係女士們啦.  無錯!! 係啱一半, 呢間廟仲有一個功能, 睇埋落去你就知架喇.

2019年3月12日 星期二

名古屋篇 - 永旺夢樂城常滑 (Aeon常滑)



上一集, 帶大家行咗招財貓散步道, 尋找招財貓的故事, 仲講左啲招財貓既冷知識比大家聽, 未睇過既可以去呢度>>名古屋篇 - 常滑 (招財貓的故鄉)重溫番.  一場黎到常滑市點會咁快就走? 梗係黎Aeon行陣街先啦! (乜話? Aeon都攞黎介紹??) 如果我話你知, 呢間Aeon有日本正式既Kart小型賽車場, 有歷奇繩網玩, 仲有全港最大隻陶瓷招財貓, 咁值得介紹喇掛? 一齊黎睇下啦.

2019年3月5日 星期二

名古屋篇 - 常滑 (招財貓的故鄉)

究竟上圖呢隻招財貓有幾大? 究竟招財貓係舉左手定右手? 究竟點解明明唔係名古屋發源招財貓, 但係名古屋常滑市叫自己做招財貓故鄉?  睇完今集內容之後你就會知道答案.  一齊黎常滑搵招財貓啦.

2019年2月26日 星期二

神戸元町ドリア (神戶元町多利亞)


有睇開達思怪遊世界既朋友都知, 我好少介紹食肆, 除非真係又平又正又好食. 今日終於比我搵到間值得介紹既餐廳. 呢間就係神戶元町多利亞 (神戶元町doria神戸元町ドリア).  其實多利亞係乜呢?  日本既旅遊書介紹香港既焗豬排飯就係用多利亞黎形容佢.  當然啦, 介紹大家食焗飯會唔會普通咗啲?  睇埋下面先啦.