2012年7月30日 星期一

義大世界 - 台灣中南部唯一集酒店遊樂場於一身既地方

早幾日簡介左高雄究竟有咩好去處. 今日我地先去義大世界玩下先啦, 話晒義大世界喺高雄黎講都係新景點, 落成兩年左右, 亦係台灣中南部唯一既大型主題遊樂場連大型商場連酒店! 仲勁過香港迪士尼, 你都咪話唔勁!! 但係如果淨係講遊樂場面積既話, 就大約係香港迪士尼既一半. 唔細架喇, 香港無得玩既呢度都有齊. 一齊黎啦!



先講下點去義大世界先, 大家可以搭高鐵(由台北至台南), 或者搭捷運, 黎到左營站. 又或者搭台鐵(台東至台北沿線), 新左營站落車. 跟住你就會見到彩虹市集.


2012年7月23日 星期一

高雄 - 旅遊概覽

離開左阿里山, 再向南進發, 終於黎到高雄! 除左台北之外, 另一個香港人常去既地方就係高雄, 當然啦, 高雄有義大世界, 又可以再南下去墾丁玩水. 但係你又知唔知高雄究竟有咩好玩好食好行呢? 今集就等我將高雄市好玩既地方作一個簡單既概覽話過你知. 之後我就會逐個景點分集咁詳細介紹. 而完成埋高雄之後就會介紹大家等左好耐既墾丁. 再之後又會重返台北.

好喇, 講番高雄, 其實高雄地方唔算好大, 至少細過香港, 所以好多景點都可以搭公車或捷運就可以去到. 高雄比台北熱好多, 不過人同車都少好多. 另外就係, 高雄既物價係比台北平的, 所以你會發覺呢度買野平過台北好多. 但當然, 名牌就另計啦, 公價架嘛. 講到捷運, 高雄捷運得紅同橙兩條線咋, 我地先睇下個路線圖先啦.



2012年7月11日 星期三

田尾公路花園

今集帶大家黎到台中既彰化縣, 去一個好特別而又好少香港人去既地方 - 田尾公路花園.

田尾公路花園彰化縣著名既花卉養殖中心, 呢度有好多間以景觀造型花園式既餐廳, 等你可以沿路踩住單車, 影下相, 又食下野. 先比幾張相引誘下你地先.







彰化 - 扇形車庫


上集講完員林, 今集講下佢既兄弟彰化. 彰化最出名既景點, 係鐵路迷朝聖既地方 - 彰化扇形車庫. 懂得鐵路既朋友都知道, 莫講話台灣, 喺全世界黎講, 上圖呢一種扇型既車庫已經唔多了. 加上呢個車庫係免費入場!! 入左去之後, 仲任得你影, 任得你摸. 無人趕你既話, 我連火車都上埋去. 你都咪話唔興奮. 講明先, 呢集對非鐵路迷黎講, 可能真係對牛彈琴, 所以大家都係睇相吧.

2012年7月10日 星期二

菁桐


菁桐平溪線既總站, 閒時呢個站係無票務員當值的. 遇上呢D時候, 如果你無買到一日週遊券既話, 麻煩你乖乖地去購票機買票吧. 如果唔識用都唔緊要, 你可以照上車, 有人查飛時你先補票, 又或者落車時補買番. 台灣人都係講個信字既, 加上呢條係支線既關係, 除左瑞芳之後既大站之外, 全線無出入閘機的. 講左咁耐, 睇相吧......


九份

香港有悲情城市天水圍, 台灣也有它的悲情城市九份. 不過, 九份既悲情係因為一套陳年電影吧了.

上集介紹過十分, 菁桐之後, 我地再次由瑞芳出發, 九份. 提多一次, 如果想由瑞芳去九份的話, 搭公車就可以, 所有去金瓜石的公車都會經九份的 (其實車頭會貼上經九份字樣的). 班次非常頻密, 約十分鐘左右就會有一班車.



認住瑞芳車站對面既呢間頂好超市, 超市門口就係往九份既公車站. (車程約20分鐘, 車費為NT$15)




2012年7月9日 星期一

瑞芳

生活喺呢個 "那些年" 既時代, 本來第一集想講十分. 可是我諗黎諗去, 十分之前如果唔講左瑞芳先, 又好似接唔到落去咁. 點解咁講呢? 因為如果你由台北出發, 無論你想去十分, 定還是去九份, 都必定會經過瑞芳呢一個轉車站. 所以瑞芳呢一個景點係好重要的! 又既然一場來到,又未夠鐘轉車, 不如等我帶你地行下瑞芳啦.



2012年7月8日 星期日

日月潭 -- 向山行政暨遊客中心 (圖D)

早幾日問左大家一個問題, 就係楊丞琳個相機廣告究竟喺日月潭邊個地方拍既呢? 今日開估了, 就係向山行政暨遊客中心(D)!! 先等大家回味下個廣告先.


本來普通一個遊客中心, 就唔值得寫篇BLOG黎介紹既. 不過呢個遊客中心實在太特別, 係特別靚.

2012年7月7日 星期六

日月潭 -- 纜車(圖B) / 九族文化村


尋日講左伊達邵, 我諗大家已經好想即刻飛去台灣玩架喇. 今日介紹多個全台灣獨有既地方比大家, 就係九族文化村. 不過講之前, 都要話比大家知點搭車去既, 今次唔係教你搭公車喇, 係搭纜車!


上文講到, 大家可以由伊達邵, 沿步道就可以行到去日月潭纜車站, 沿途風光秀麗, 大約10分鐘路程就到, 所以唔需要等公車咁麻煩. (: 由伊達邵到纜車站係落斜, 調番轉係上斜).

2012年7月6日 星期五

日月潭 -- 伊達邵 (圖C)


無論你係搭船定係搭環湖公車黎都好, 去得日月潭, 無黎過伊達邵點算黎過呀. 尋晚講過啦, 呢度有老街比你行, 有古草風味既野比你食, 仲有民宿比你住. 不如睇左相先啦.



上圖係其中一段既老街, 其實伊達邵唔算好大, 我諗你一至兩個鐘應該行得晒. 不過當然, 由於日月潭食野既地方唔算多 (除左水社就係伊達邵), 咁伊達邵食野選擇較多, 我諗大家預時間喺呢度食野會比較好.

2012年7月5日 星期四

日月潭 -- 水社遊客中心 (圖A)


前一篇文章為大家簡介左日月潭既各個景點, 今日就先講你落車既地方, 水社遊客中心 (即上一篇的圖A). 尋晚教左大家點由台中搭車去日月潭啦, 而總站就係呢度喇. 無論你想去日月潭任何地方, 都會經過呢度咁滯. 上圖見到既購票處, 就係搭船去伊達邵. 而公車站就係環湖公車或者返台中既公車站. 除此之外, 水社仲係行街買野既好地方添.




2012年7月4日 星期三

日月潭 -- 總覽 及 乘車指南

台中咁好玩, 點會咁快走? 今日筆者再為大家介紹一個香港人必到既台中著名景點. 就係南投縣既日月潭! 講開日月潭, 早兩個月睇台灣既新聞報導. (筆者在香港都係睇台灣既TVBS). 新聞話, 由於無論遊客定當地人都淨係識日月潭, 而無人記得日月潭就係南投縣, 所以不如將南投縣改名做日月潭縣. 當然, 我地暫時可以當笑話黎聽, 但不過, 大家可以知道日月潭對南投縣黎講係幾咁重要.

起開始呢篇介紹之前, 大家要知道日月潭係一個幾大既地方, 加上景點分散所以你至少要預一日時間遊覽. 如果你想去埋九族文化村玩埋機動遊戲既話, 咁就要兩日時間了. 故此, 日月潭既介紹我會分幾篇文章黎寫. 今日第一篇寫總覽, 等大家知道日月潭有咩地方好食好玩, 同埋點搭車去. 聽日開始我會逐個景點作詳細介紹. 依傢就先睇下日月潭既地圖先啦.



日月潭位於台灣本島中央南投縣的魚池鄉,是台灣最大的淡水湖泊,也是最美麗的高山湖泊。潭面以拉魯島為界, 東側形如日輪,西側狀如月鉤,故名日月潭。她的美是由山與水所共同交融、創造出來;748.48公尺的中高度海拔,造就日月潭宛如圖畫山水,氤氳水氣及層 次分明的山景變化,一景一物皆渾然天成,詩畫般的意境,足以讓人流連忘返。(複製自日月潭國家風景區網頁介紹)