上集講完員林, 今集講下佢既兄弟彰化. 彰化最出名既景點, 係鐵路迷朝聖既地方 - 彰化扇形車庫. 懂得鐵路既朋友都知道, 莫講話台灣, 喺全世界黎講, 上圖呢一種扇型既車庫已經唔多了. 加上呢個車庫係免費入場!! 入左去之後, 仲任得你影, 任得你摸. 無人趕你既話, 我連火車都上埋去. 你都咪話唔興奮. 講明先, 呢集對非鐵路迷黎講, 可能真係對牛彈琴, 所以大家都係睇相吧.
交通指南:
由彰化車站落車, 沿和平路行, 行到尾你會見到一條隧道. 落隧道穿過對面就到車庫. 全程步行約10分鐘.
由台北 / 高雄 需先乘搭高鐵到台中, 再由新烏日站轉乘台鐵到彰化站便可. (由新烏日到彰化, 區間車車程約12分鐘, 車資為NT$15)
由員林往彰化, 搭台鐵就可以, 區間車車程約15分鐘, 車資為NT$21.
(本文地圖及街景地圖取材自谷歌地圖)
沒有留言:
張貼留言