河津 (河津櫻)

喜歡櫻花, 每年愛看一遍. 鍾意櫻花既朋友, 一定黎過或者聽過河津櫻. 河津櫻雖然係櫻花既一種, 不過通常都係指位於河津呢個地方既櫻花. 河津櫻之所以出名, 因為河津櫻係沿住條河兩旁咁生長, 所以大家成日睇相都會見到一條河, 兩邊係粉紅色既櫻花啲咁既相片, 其實就係河津呢度拍架喇. 另外, 一般東京都既櫻花都係每年三月尾四月頭開花既. 而河津呢度嘅櫻花就係每年二月中至三月中就會開花. 所以每年呢個時候河津都有一個叫做河津櫻花祭嘅活動, 全個地區一共有八千棵櫻花一齊開放, 沿住河津川延綿3公里長!!

今年咁岩3月頭去日本, 諗住趕得切河津櫻既尾班車, 於是就飛車趕落去.......

河津櫻歡迎我!!!!!

白糸の滝 (白絲瀑布)

白絲瀑布, 係輕井澤一大景點, 白絲瀑布最特別既地方, 唔係佢有幾高, 而係佢有幾闊. 呢個瀑布真係闊到用全景360都拍唔晒, 所以先至有咁多人慕名而黎. 而由輕井澤前往白絲瀑布, 係一定要搭巴士黎的(自駕就梗係乜都得啦), 但係踩單車係黎唔到, 因為白絲瀑布位於高山上面, 而山路係禁止踩單車的. 不過交通指南留番最後先講, 我地由落車站講起......

草津溫泉

草津, 係一個全年都好凍既地方. 由於佢處於海拔1200米高既高原地區 (東京既Sky Tree都係634米咋!!), 呢度就算係夏天都只不過係18度左右. 所以一年四季都好適合浸溫泉. 除此之外, 草津既湯畑係一個好有特式既景點, 而整個草津都係圍繞住呢個湯畑黎做中心的. 所以好多人去完又想再去, 令草津溫泉連續多年黎做係日本人至愛溫泉既No.1 !!!!

湯畑

當你山長水遠黎到草津巴士總站之後, 沿湯畑出口方向出, 就會去到上圖既巴士總站正門, 過條馬路過對面. 一路行落去, 5分都唔駛就到湯畑架喇, 非常方便!!

眼前就到喇!!

無添加迴轉壽司 Kura Sushi くら寿司

我發覺原來我搬Blog時搬漏左呢間餐廳. 就等我今日重新介紹多次比大家啦.

大家都知我一向都介紹平靚正既野, 所以食壽司都要搵間平既黎食, 呢度碟碟￥100咋!!! 不過淨係平邊度夠? 呢間壽司鋪最正既係, 有得食又有得玩. 黎啦!

千葉公園 / 千葉倒吊火車

上集帶大家去左千葉既AEON MALL同埋幕張三井OUTLET, 今集繼續千葉既行程, 黎到千葉公園. 

不過咁, 其實千葉公園只係我黎千葉市既一個借口, 我真心想做既, 係搭下千葉市獨有既倒吊火車. 

千葉 - AEON MALL / 幕張三井Outlet

一般香港人去千葉縣，唔係去迪士尼就係為左去上圖呢個幕張三井Outlet。所以呢個Outlet當然會講啦，不過今日特別少少，帶大家去AEON MALL行下先。大家都知香港康怡既AEON已經變左身，跟日本變成AEON STYLE。為左呢間鋪，筆者專登走左去千葉一趟，睇下日本既AEON STYLE係點既。首先由東京出發。

東京往千葉 (海濱幕張站)

去千葉方向既車, 一定要由東京出發架喇, 所以如果你係由JR山手線左手邊 (即新宿, 原宿, 池袋等) 出發既話, 就要搭JR中央線 (快速) 去左東京再轉車. 上圖可以見到, 大家係要搭JR京葉線先可以去到海濱幕張站的, 各停既車程約38分鐘, 有快速既話搭快速吧, 車程約30分鐘. 而我喇喎, 由於有PASS既關係, 梗係用黎搭特急啦 (唔駛加錢架嘛, 用盡佢!!) 24分鐘就到.

日本上網卡介紹 (16年8月10日更新)

好多人都知道，今時今日買上網卡去旅行係又方便又平過租WIFI蛋架啦。但係邊張卡抵用，邊張卡有咩限制你又知唔知？

筆者見到好多網友喺團購網度中左伏，所以專登開個POST等大家知道下，究竟去日本買咩卡最好。

江之島

今日帶大家去江之島，江之島係一個距離東京一小時車程既一個島。如果用香港地方黎形容既話我會用大嶼山黎形容，因為同樣係舊舊地，又有廟又有大佛。台灣既朋友多數會用十分（台灣新北市既一個地方）黎形容江之島，因為同樣係坐小火車穿梭古舊既村落。其實筆者好多年前已經去過江之島，不過近年呢個地方連旅遊書都唔再介紹，加上早前旅行又無影太多相，所以一直都無為大家介紹，一直到去年杜如風小姐既電視節目介紹之後，突然多左網友問。於是我就再次踏足呢個地方。

表面上，江之島只係地圖左下方既一個小島，島上面有一個重要景點江島神社。事實上，由地圖左上方既藤澤開始一直到右手邊既鎌倉，都係今次既行程。要遊覽江之島既話，要花一整天時間，大約係九至十時黎到，玩到五六點走就岩岩好。而遊覽既次序，一般都係由左至右咁玩落去，而呢個亦都係今日所介紹既行程。

輕井澤 (17年4月更新)

今日去遠少少，帶大家去近年好多香港人去既輕井澤。由東京搭新幹線過黎約一小時十分鐘車程。（搭得新幹線當然要買ＰＡＳＳ，否則單程車費已經要５３９０円）另外提提大家，輕井澤呢度係高原地區，亦係日本人既避暑山莊，所以就算東京幾熱都好，黎到呢度都總會覺得陣陣涼，記得帶定件風褸黎。

超平旅遊保險

今日有一單新聞, "一名女子在沖繩食牛舌時鯁喉昏迷，送院期間心跳曾停頓三分鐘，在當地醫院救治二十一天，現情況危殆。由於她無買旅遊保險，當地住院醫療開支高達每天一萬港元，家人支付十萬元醫療費後已山窮水盡，正四處求助，盼盡早將她接返港治療。" < 轉載自蘋果日報網站.

跟住當然有D "專家" 訪問話旅遊保險要七百幾蚊港紙先至包得全面. 但係咁講咪即係叫人唔好買旅遊保險! 七百蚊邊個會買? 今日筆者推介一間超平既旅遊保險公司比各位, 下次去旅行記住一定要買喇!

東京兩大機場 - 成田機場 & 羽田機場 (15年2月21日更新)

今日介紹東京既兩大機場 - 成田機場同羽田機場. 如果以航班黎計, 成田機場會比羽田機場多機啲. 但係飛行時間其實係差不多的. 最受香港人歡迎的時間有兩段, 其中一個係香港時間00:50至02:00香港起飛, 05:30至06:30日本落機(日本時間); 另一段係09:00至10:00香港起飛, 14:00至16:00日本落機. 前者零晨機有個好處, 就係你可以星期五晚出發, 星期日晚夜機返香港都趕得切. 呢班機筆者試過一次, 不過依傢老了, 太辛苦頂唔順. 加上咁早JR旅客服務中心未開門. 所以如果你第一次去, 又或者想到埗先買JR PASS的話, 筆者就不會介紹你搭零晨機.

川越 - 川越一番街

呢幾日香港都又濕又凍. 令我想起二月日本大風雪時, 其中一個重災區, 就係 川越!

川越係一個充滿江戶時代感覺既地方, 筆者都係因為上面既相片, 所以吸引左我去一睹川越既風采. 川越最出名既係 "一番街 ", 基本上去得川越都係為左去一番街. 依傢睇下地圖先.

戀人之聖地 - 千葉Port Tower

今日帶大家去一個話近唔近話遠唔遠, 但係又 (懶係) 好浪漫既地方, 就係 千葉Port Tower. 即係日本都有心鎖玩既地方, 今次特別一點, 睇相先.

東京灣 - 海之螢火蟲

平時大家睇日本片, 總係會見到東京灣上面有條橋, 去到一半就斷開左. 而斷開左呢個地方就係今集既主角 - 海之螢火蟲(Umihotaru) .

前往海之螢火蟲既方法, 就係先去上一集介紹過既川崎搭巴士前往, 車程約40分鐘. 由JR川崎站, 東口出, 就會有一個大巴士總站, 不過部巴士不在巴士總站內, 而係要行過對面, 22號月台. (詳情請睇番上一集川崎篇)

搭前往 "木更津" 既巴士, 車費係¥1050. 但係記住, 只有指定時間內既巴士先去到海之螢火蟲. 閒日就由上午9時至下午5時22分之間. 而星期六日會好一點, 由上午9時至晚上7時52分都有車, 班次係約30-60分鐘一班.

川崎 - 電腦九龍城(鬼屋) （已結業）

註：電腦九龍城已於2020年初結業。一切只剩回憶。

返到黎香港最想同大家介紹既就係今集既主題 - 川崎. 川崎呢個地方, 我睇過好多旅遊書都無提過, 而我如果唔係想去電腦九龍城(鬼屋)都唔會去. 但係去到之後周圍行下, 發覺又幾多野行架喎. 特別係川崎距離橫濱只需7分鐘車程, 之前好多讀者問我去完橫濱之後附近有咩好行, 今次終於有答案了. 點去川崎最尾先講, 先睇下川崎周邊既地圖先.

川崎唔係大得好緊要, 我諗兩三個鐘都足夠你行晒, 如果你想留低食埋飯既就預半日啦. 地圖中, 橙色線, 紅色線, 粉紅色線同埋黃色線係步行街, 咩名都唔重要, 你去到就會行得晒架喇. 而地圖最高白色字既就係筆者既目的地 - 電腦九龍城(鬼屋), 本文最後會介紹, 依傢行下街先啦.

箱根篇之 大涌谷(火山)

由強羅出發要上大涌谷. 先要搭箱根登山纜車去到早雲山, 再轉箱根吊車上大涌谷. 纜車車程約10分鐘. 吊車就10分鐘左右.

同香港既纜車一樣, 兩卡車, 斜住坐咁上山的. 上圖係幾個中途站, 其實每個站都好近.

到早雲山, 超多人. 跟住人行你又行, 就會去到吊車站.