2013年12月27日 星期五

自由之丘

今日去遠少少, 黎到目黑區自由之丘. 目黑大家多數都聽過架喇, 特別係幾年前周國賢首歌. 目黑比人既感覺, 係一個高尚而優閒既地方. 而目黑區內既自由之丘更加係高尚同優閒既表表姐. 自由之丘原本係個好歐陸式既住宅區, 但係近年有唔少店進駐, 依傢變成有大大小小店鋪一千多間. 黎自由之丘好容易, 從METRO東新宿, 新宿三丁目, 池袋, 澀谷等地方搭副都心線直通東急東橫線就可以直達, 如果你由東京方面出發, 就要搭任何METRO線轉日比谷線, 到中目黑東急東橫線. (詳情睇番日本鐵路介紹一文).





2013年12月25日 星期三

上野

上野係一個岩晒大人細路哥既地方, 呢道有賞櫻花最好既地方 - 上野恩賜公園. 又有上野動物園, Yamashiroya, 海味街, 阿美橫町商店街, 仲可以唔駛排隊食一蘭拉麵, 係咪好想去呢?



2013年12月8日 星期日

淺草 (雷門, 仲見世, 淺草寺, SkyTree)

淺草是一個香港人常去的旅遊點. 加上東京第一塔SkyTree的落成, 於是淺草更加變成必到的一站. 由於沒有JR路線途經淺草, 要去淺草就一定要乘坐私鐵(METRO), 表面上淺草有數條私鐵線經過, 所以非常方便, 可是由於每條私鐵線的淺草站都位於淺草內不同的地方, 所以你要先知道你用採用那條私鐵線前往淺草, 才能夠定下你的路線圖, 我們先看地圖吧!



2013年10月20日 星期日

大宮鐵路博物館

黎到電車男最鍾意既一站, 大宮鐵路博物館了. 呢間博物館當地人都好鍾意帶埋小朋友去, 因為實在太大了. 呢度夠你玩大半日, 預4-6小時走唔甩架喇, 博物館入面有野餐廳, 唔算平但亦都唔係貴都飛天. 先介紹下點樣搭車去.




2013年10月14日 星期一

秋葉原

上集介紹左中野, 今集當然要介紹埋另一個宅男天堂 - 秋葉原啦. 其實秋葉原都真係幾好玩的. 除左買玩具之外, 呢度仲有好多電子產品(例如相機, 電腦等), 不過當然依傢出左名就唔見得平, 但係都好過外面既, 由於呢度多鋪競爭大, 優惠總會比外面多少少. 你當呢度係旺角西洋菜街咁就明. 另外, 呢度仲有幾間賣舊CD既鋪頭, 你想搵陳年CD都可以起呢度搵. 好喇, 又睇下地圖先.



2013年10月6日 星期日

中野

今集介紹呢個地方令我非常矛盾. 想寫既原因係我有個朋友今個月尾去日本, 我介紹左佢去呢個地方. 唔敢寫既原因, 係當我決定寫日本篇既時候, 我老婆豬已經講明唔比我寫中野......不如睇左地圖先.


2013年9月8日 星期日

箱根篇之 大涌谷(火山)

強羅出發要上大涌谷. 先要搭箱根登山纜車去到早雲山, 再轉箱根吊車大涌谷. 纜車車程約10分鐘. 吊車就10分鐘左右.





同香港既纜車一樣, 兩卡車, 斜住坐咁上山的. 上圖係幾個中途站, 其實每個站都好近.







早雲山, 超多人. 跟住人行你又行, 就會去到吊車站.

箱根篇之 強羅

上回講到, 當你離開箱根湯本之後, 如果你係繼續上山的話, 咁就要搭箱根登山鐵路. 呢條鐵路好特別, 其實應該話佢同阿里山鐵路係一樣, 採用來來回回爬山既方式上山的. 所以部車係一時向前行, 一時向後行. 來來回回約40分鐘就會去到強羅. 而中途既站, 除非你要去酒店或者特別既景點. 否則係無需落車的.




如果你唔可以坐 "倒頭車" 的話, 咁就最好去車頭或車尾坐打側坐既位了. 另外上圖寫住, 冬天係會開暖氣的, 發熱線喺你既座椅下面, 所以小心唔好燙傷. 不過冬天個個都應該著長褲架啦??


箱根篇之 桃源台 (海賊船)

整個箱根大涌谷遊, 我地搭過火車, 纜車, 吊車. 除左吊車之外, 另一個最令大家期待既係呢一站, 桃源台海賊船了.

桃源台好簡單, 由大涌谷搭落山既吊車就可以. 車程約20分鐘. 桃源台好方便, 樓上係吊車總站, 樓下就係碼頭. 唔駛驚唔識路. 呢座大樓有一間便利店, 亦有一間餐廳. 基本上呢度無必要停留. 直接搭下班船就可以. 唯一要小心既係尾班船既時間. 呢點要視乎你既行程. 印象中下午五點左右就係往元箱根港箱根町港既尾班船.







箱根篇之 箱根湯本

上文講到, 箱根湯本箱根(大涌谷)之旅既起點, 亦可以話係終點. 講多一次. 搭小田急Romance Car既乘客係可以直接喺 "箱根湯本" 站落車. 而搭JR及小田急普通列車的乘客就要喺 "小田原" 落車再轉小田急線火車入黎.

如果你係即日來回既話, 咁就唔好浪費時間, 一落車過直接行過對面月台, 搭箱根登山鐵路強羅. 黃昏回程既時候先好行箱根湯本. 如果你會留幾日的話, 咁你就反而先要喺箱根湯本呢度買D小食, 食飽野先再上路. 簡單D咁講, 上左山之後就無啖好食的. 又先睇下地圖.

2013年9月1日 星期日

箱根總覽(箱根湯本,大涌谷)

箱根係一個泡溫泉既好地方,跟據小田急既介紹,淨係箱根內既著名溫泉旅館已經有17間。仲未計遠少少既仙石原御殿場既溫泉。另外,去箱根既另一個目的,就係上火山(大涌谷)了,大涌谷最出名既就係黑色雞蛋(黑玉子蛋)了。最後當然唔少得坐海盜船遊覽蘆之湖啦,聞說蘆之湖既湖水係暖架喎@@" 好喇,喺介紹之前,再長氣D講多一次。地方太大既景點我會分幾篇黎寫,而呢一篇(即係本文)就會係總覽,先簡介每個景點有咩好玩好食好睇。等大家方便D去PLAN行程,之後會有獨立既篇章去介紹唔同既景點。

開始之前,有一個問題係我當時出發前搵極都無答案既。就係一日來回箱根連大涌谷可唔可行既呢?答案原來係:可以既!筆者就係朝早十一點左右由新宿出發,夜晚八點左右由箱根湯本走。中途仲可以去埋強羅,再搭吊車上大涌谷,再坐埋海盜船去元箱根港,兜一個轉再番翻去箱根湯本走,玩齊咁多仲交通工具添。唔明我講緊乜?咁睇地圖先啦。

2013年7月13日 星期六

橫濱

橫濱距離東京圈約半個鐘車程, 唔係太遠, 又好多野玩, 仲要勁浪漫. 所以好多香港人都鍾意去. 橫濱著名既景點包括: 有個鐘喺上面既大摩天輪, CUP NOODLE博物館, 紅磚屋(行街買衫食野的), 再遠少少可以去埋中華街(即係日本唐人街).

去橫濱最快既方法係搭JR湘南新宿線(急行), 約30分鐘就到橫濱站. 可是, 橫濱既景點分散, 去到橫濱站之後其實你仲要轉一程 "港灣未來線" 先可以去到景點. 所以本文不會介紹大家搭JR. 搭一個平D既方法啦, 就係搭 "東急東橫線". 詳情如下:


2013年7月3日 星期三

東京鐵路介紹 (JR, Metro)

日本既鐵路網非常覆雜, 但係覆雜既優點係總有一個地鐵站喺附近. 亦都因為日本既鐵路路線, 就算同一條線都會有好多唔同既終點站, 就好似香港東鐵綫咁有分羅湖車同落馬洲車一樣. 所以未去過日本, 又或者本身對日本鐵路唔熟既朋友, 記得睇左呢篇先喇.

日本既鐵路簡單可以分為 JR私鐵 兩種. JR是日本鐵路集團經營, 而私鐵其實是私有化鐵路既統稱, 單單東京圈內計, 已經有幾家私鐵公司, 包括: 都營, Metro, 小田急電鐵, 東急電鐵, 西武等等. 一般黎講, JR既線係可以互相免費轉乘的, 而私鐵線亦都可以各自互相轉乘. 但係由於各私鐵既停站位置有差異既關係, 部份車站係需要乘客先出閘, 然後步行至另一家私鐵車站大堂再入閘的, 就好似香港尖沙咀同尖東站既關係咁. 所以上文提到, 去得日本玩, 記得買定張SUICA(八達通). 咁樣轉車會方便好多.

2013年6月2日 星期日

高雄 - 旗津


上文教左大家點去西子灣,今集就帶大家去旗津喇。提多一次,想去旗津就一定要由鼓山渡輪站 (即捷運西子灣站) 搭船去。雖然大家可能會見到有巴士可以去到旗津,但係班次係極疏,仲要搭好耐,當地人話,淨係旗津內都要搭成半個鐘頭。 
好喇,入正題之前我地又睇下地圖先:

2013年5月4日 星期六

高雄 - 西子灣

上集講完鹽埕埔,今日黎到一站之差既西子灣西子灣係一個踩單車遊玩既好地方,因為地方話大唔大,但係要行又好似有少少累。同埋西子灣既景點其實唔多,筆者甚至係為左駁船去旗津先會經過,咁當然啦,之後因為要寫BLOG既關係,所以專登踩單車去多一次。我地一齊睇下地圖先啦。

大家淨係睇紅字得喇,由左至右,由上至下咁睇。景點分別有中山大學靈興殿打狗英國領事館鼓山渡輪碼頭打狗鐵路博物館。由西子灣捷運站出發計,步行去鼓山渡輪碼頭要5-10分鐘,行去中山大學就15分鐘左右啦。想行去打狗英國領事館既話就太遠了,要拐個大彎先去到,去到仲要行百幾級樓梯上山,所以我一開場已經話,租單車啦。否則搭公車都可以。詳細如下: 

高雄 - 鹽埕埔

終於黎到高雄篇既最後一區,鹽埕區。今集先會講下鹽埕埔,之後會再講西子灣,最後講埋旗津之後,整個高雄篇就完結。

一般黎講,鹽埕埔西子灣,甚至係旗津係應該黐住一齊去的。睇左下面既地圖先:


大家可以睇到,其實鹽埕埔同西子灣站的確係好近,步行約15-20分鐘就會行到 (我諗銅鑼灣行去灣仔咁上下啦)。而西子灣站既再左手邊就係搭船去旗津既碼頭,我地下次先會詳細講。好多人都會問究竟呢個地方值唔值得去?旅遊書講到呢度好似好多野睇咁,但係你一出捷運站又好似比人呃左咁,周圍都係住宅仲要係好舊既舊區黎添。

2013年4月10日 星期三

台北 淡水, 漁人碼頭, 情人橋

繼續台北既行程, 今日我地會黎到捷運淡水線既總站 - 淡水站. 帶大家行下老街, 睇下情人橋, 同食下淡水最地道既特式野食.

又睇下地圖先. (可按圖放大)



淡水站得兩個出口, 出口1就係去老街既, 老街即係公明街中正路. 你一出站見到下面嗰間Starbucks就岩架喇. 出口2就係公車站. 想去漁人碼頭的話可以直接喺呢度搭 26 公車. 又或者喺老街最尾既藍色公路度搭船都得. 下面再詳細講.

2013年3月31日 星期日

台北101, 不能說的秘密餐廳 (MrJ 義法廚房)

講明先, 呢篇文章既主題係電影 "不能說的秘密"  餐廳, 反而台北101得幾張相咁大把.

話說有一年我老婆豬生日, 唔知去邊度倒數好, 咁岩當年一套不能說的秘密電影就好流行. 跟住仲比我發現原來周生開左間不能說的秘密餐廳. 於是就帶左我老婆豬去台北玩了.....


2013年3月11日 星期一

貓空 / 動物園

去完美麗華之後, 繼續沿文湖線去到總站 - 動物園站. 呢度有台北兩個著名景點. 一個係 台北市立動物園, 另一個就係本文既主角 貓空纜車.



前往貓空同動物園既方法好簡單, 捷運文湖線, 去到總站 (動物園站) 就係架喇.

2013年3月10日 星期日

台北美麗華百樂園

講完遊樂場之後, 今集帶大家去一個又可以玩, 又可以行街買野食野既地方. 就係台北美麗華百樂園!



叫得美麗華百樂園, 當然比到你一百種歡樂啦. 呢度有最台北市最大既摩天輪, 好多情侶都專登黎呢度坐摩天輪架, 其中仲有四部係全透明既添. 除此之外, 呢度亦都係台北市內一個比較大型既商場, 入面應有盡有, 仲有IMAX戲院. 唔講咁多住, 睇相啦!

2013年3月8日 星期五

台北兩大遊樂場 - 小人國 及 六福村

好喇, 今集講下好少香港人提既兩個旅遊點. 就係台北既兩大機動遊樂場: 小人國 六福村 .

六福村網站 - 筆者覺得似老翻迪迪尼, 至少隻公仔同佢隻手都似. 不過咁, 呢個係全台北最大亦係最刺激既機動遊樂場, 有跳樓機同過山車...... (詳情睇官網啦)



小人國網站 - 一個典型既小人國主題樂園!