箱根篇之 箱根湯本

上文講到, 箱根湯本係箱根(大涌谷)之旅既起點, 亦可以話係終點. 講多一次. 搭小田急Romance Car既乘客係可以直接喺 "箱根湯本" 站落車. 而搭JR及小田急普通列車的乘客就要喺 "小田原" 落車再轉小田急線火車入黎.

如果你係即日來回既話, 咁就唔好浪費時間, 一落車過直接行過對面月台, 搭箱根登山鐵路上強羅. 黃昏回程既時候先好行箱根湯本. 如果你會留幾日的話, 咁你就反而先要喺箱根湯本呢度買D小食, 食飽野先再上路. 簡單D咁講, 上左山之後就無啖好食的. 又先睇下地圖.

箱根湯本其實好易行, 大家見到黃色一條大街就係架喇. 所以我話你預一個鐘左右應該夠晒你行, 除非你要坐低食野. 而上文講過, 接駁各大溫泉酒店既巴士, 又或者當地既巴士都集中喺火車站既對面. 一落橋就會有好多人招攬你JOIN佢間酒店. 而向右手邊行呢, 就係一大條手信街了. (手信街呢個名係筆者為左簡化佢而寫的)

上圖就係箱根登山鐵路, 下一篇 "強羅" 時再講.

筆者身處既地方, 就係巴士站了, 而巴士站旁邊係一個公厠. 大家上圖見到既就係箱根湯本站, 沿天橋行過黎就係架喇.

以上 兩張相係手信街既兩旁, 係咪好多野食呢?

溫泉饅頭同蝦片都係超正的!! 記得買定少少零食返酒店呀!

(本文部份相片取材自谷歌地圖)


相關文章
箱根總覽（箱根湯本，大涌谷）
箱根篇之 強羅
箱根篇之 大涌谷(火山)
箱根篇之 桃源台 (海賊船)