去桃源台好簡單, 由大涌谷搭落山既吊車就可以. 車程約20分鐘. 桃源台好方便, 樓上係吊車總站, 樓下就係碼頭. 唔駛驚唔識路. 呢座大樓有一間便利店, 亦有一間餐廳. 基本上呢度無必要停留. 直接搭下班船就可以. 唯一要小心既係尾班船既時間. 呢點要視乎你既行程. 印象中下午五點左右就係往元箱根港同箱根町港既尾班船.
上船之前, 又比D多啦A夢相大家睇, 上文講到, 筆者去既時候係唔知咩多啦A夢紀念. 所以呢度放左100隻多啦A夢出黎, 所以我就停左一停影相, 跟住先搭船.
好喇, 上船喇好嗎?
船有兩艘, 一艘新一艘舊. 理論上睇住時間表可以計到你坐邊班既, 但係筆者無興趣揀. 今次坐左手邊果艘.
船上面有LIFT搭. 但係記住上船第一時間要揀個位. 因為每一班船都一定係FULL的. 無位坐就要企40分鐘. 除左VIP區要加錢先可以入之外, 其餘地方係任得你行的, 甚至上甲版影相都無問題. 如果夏天唔太凍既話, 都可以坐甲版既. 但係筆者去果日得幾度.......
如果大家想知呢個蘆之湖既故仔既話呢, 就上網揀啦. 呢度唔詳細介紹喇. 反正呢程船大家可以做既野都係得一樣, 就係訓番覺.
去到元箱町港, 落船. 眼前既就係巴士站, 可以轉巴士去番箱根湯本. 急行只需30分鐘就去到. 慢車就50分鐘左右. 其實呢度仲有好多睇既景. 包括拍日劇成日都見到既鳥居. 不過因為筆者係即日來回既關係, 所以要趕番出去箱根湯本.
(題外話), 由大涌谷落桃源台之間既吊車, 從你既右手邊望, 如果咁岩天氣好既話, 大家係可以見到富士山的, 所以大家要打醒精神, 拎定部相機, 準備影相喇.
相關文章
箱根總覽（箱根湯本，大涌谷）
箱根篇之 箱根湯本
箱根篇之 強羅
箱根篇之 大涌谷(火山)
沒有留言:
張貼留言