中野

今集介紹呢個地方令我非常矛盾. 想寫既原因係我有個朋友今個月尾去日本, 我介紹左佢去呢個地方. 唔敢寫既原因, 係當我決定寫日本篇既時候, 我老婆豬已經講明唔比我寫中野......不如睇左地圖先.

中野距離新宿只係五分鐘JR車程. 由新宿出發, 搭中央線或者中央線(快速)就可以去到. 咁當然啦, 中央線係一條穿越JR山手線既線. 所以如果你由東京方面出發既話, 只需要搭JR山手線去秋葉原轉中央線就可以去到.

好喇, 中野其實係一個寶藏, 呢度無秋葉原咁出名, 但係事實上, 佢比秋葉原可塑性更高. 所以我老婆豬唔比我同人講. 

從JR中野站既北口出, 喺正你面前既就係一個商場, 呢度有好多中古或者新既玩具賣, 懷舊到連鐵皮玩具都有. 總之你平時想買又買唔到既野就去呢度搵就岩架喇.

穿過左呢個商場之後, 就會去到NAKANO BROADWAY, 呢個係中野另一個商場, 呢度樓高三層, 除左玩具之外, 有書, 夾公仔, 同埋女僕CAFE, 店員除左會同你傾計之外, 仲會同你玩下啤牌, UNO等等, 大前提係, 你要識日文. 好喇, 唔能夠講太多, 睇相啦.

(本文部份相片取自谷歌地圖)