秋葉原

上集介紹左中野, 今集當然要介紹埋另一個宅男天堂 - 秋葉原啦. 其實秋葉原都真係幾好玩的. 除左買玩具之外, 呢度仲有好多電子產品(例如相機, 電腦等), 不過當然依傢出左名就唔見得平, 但係都好過外面既, 由於呢度多鋪競爭大, 優惠總會比外面多少少. 你當呢度係旺角西洋菜街咁就明. 另外, 呢度仲有幾間賣舊CD既鋪頭, 你想搵陳年CD都可以起呢度搵. 好喇, 又睇下地圖先.

從地圖可以見到, 秋葉原其實得一條紫色線既大街行 (其餘既地方留番比大家慢慢發掘啦) , 所以非常容易搵. 大家如果搭JR既話, 由JR秋葉原落, 由中央口出, 或者電器街口出都可以.

上圖呢個就係中央口既出口了, 從相既右手邊行幾步就去到紫色街. (相既右手邊, 即係現實中一出轉 "左")

咁轉"右"又會點呢? 就會見到呢間AKB48 Cafe, 筆者去既當日有FUNCTION, 所以超級多人.

SEGA!! 呢度有得夾公仔, 不過筆者比人BLACKLIST左, 無法啦, 夾公仔Y$500夾三次, 我第一次用黎試夾, 第二同第三次都夾中, 點會唔比人BLACKLIST =.="

由於太多大陸自遊行黎秋葉原既關係, 依傢秋葉原既電器鋪多數都識講國語, 但係唔識廣東話, 基本上你似係華人咁行入去佢就會同你講國語, 包括筆者在內. =.="

喺紫色線既左手邊, 有好多橫街, 入面就有大量食肆同埋CAFE等等....

前往秋葉原方法:

如果你係JR山手線既右半板既話, 搭JR山手線直達秋葉原就可以; 如果從JR山手線既左半板既話, 就可以去新宿轉中央線去秋葉原, 想快多幾分鐘既話, 就由新宿轉中央線(快速)去到御茶之水站行過對面月台轉中央線, 就可以快幾分鐘去到秋葉原.

METRO方面, 如果你由淺草出發, 可以搭METRO銀座線, 末広町站落, 調番轉咁行番去JR秋葉原; 如果你由築地出發, 就可以搭METRO日比谷線直達秋葉原站.


下一集會同大家介紹電車男必到既景點 - 大宮鐵路博物館.

(本文部份相片取自谷歌地圖)