講完遊樂場之後, 今集帶大家去一個又可以玩,
又可以行街買野食野既地方. 就係台北美麗華百樂園喇!
叫得美麗華百樂園, 當然比到你一百種歡樂啦. 呢度有最台北市最大既摩天輪, 好多情侶都專登黎呢度坐摩天輪架, 其中仲有四部係全透明既添. 除此之外, 呢度亦都係台北市內一個比較大型既商場, 入面應有盡有, 仲有IMAX戲院. 唔講咁多住, 睇相啦!
全透明既摩天輪, 等你可以飽覽台北市既景色,
夜晚去更加係一流, 但係當然有排排隊喇. 大家可以見到, 佢係連座椅都係透明的. 如果你怕高既話, 身處摩天輪內, 你係避都無得避.
美麗華商場分本館同漾館, 各樓高五層. 商場內有大熊貓比你玩. (我都唔知點解台灣咁多地方有呢隻野玩, 士林夜市又有, 商場內又有, 連台雄義大世界都有. 不過無所謂, 我鍾意玩, 我係小朋友, 哈哈)
乘車指南:
1) 搭捷運
大家可以搭捷運文山內湖線 (即無人駕駛) 到劍南路站, 出口3就望到. 行幾分鐘就到架喇, 就在眼前.
2) 搭免費穿梭巴士 (往返) 士林夜市 (捷運劍潭站)
逢星期一至日: 10:50 - 22:30, 每15-20分鐘一班車. 非常方便. 所以筆者推介大家將美麗華同士林夜市串埋一齊行.
美麗華百樂園網站 >
(本文部份相片取自台北捷運網站)
沒有留言:
張貼留言