京都篇 - 清水寺 / 租和服介紹

本篇文章會比較長, 大家耐心D睇啦. 去得京都, 基本上都一定會去清水寺咁滯, 特別係呢度有戀愛石, 亦都可以租和服周街逛過下癮. 所以今日一開始會介紹左租和服既店鋪先. 呢間店叫 "夢京都", 好多旅遊書都介紹呢間的, 夢京都在京都有兩間分店, 而網址亦都係獨立分開的, 今日我介紹呢間係最近清水寺的, 只要你用上面個連結CLICK入去就無錯架喇.

夢京都 - 租和服店

京都篇 - 二条城

如果去大阪要去大阪城既話, 咁去京都就要黎二条城. 比番上集個地圖大家睇下先.

上文介紹左大家租單車同電動附助單車, 所以大家應該識踩單車過黎二条城架喇. 由JR京都踩過黎需時約20分鐘.

京都篇 - 租單車 / 電動附助單車

終於黎到京都篇, 第一樣要介紹既當然係教大家去邊度租單車好啦. 好多人都會用單車黎遊覽京都, 原因係京都唔算好大, 不過地鐵站又唔近景點, 加上巴士又唔係順路(雖然班次都幾密). 所以呢, 都係租單車好玩好多. 日本踩單車比香港安全得多, 一來, 日本踩單車係踩行人路的, 唔似香港咁一定要你踩出馬路, 二來日本人駕駛態度好過香港多多聲, 絕大部份時間, 單車都係優先的. 不過呢D陣間會詳細講, 依傢講左租邊間單車好先.

大阪篇 - 萬博紀念公園/山田/千里中央

今集帶大家去萬博紀念公園, 即係二十世紀少年同半澤直樹成日都會影到既一座太陽塔.

一般黎講, 旅客會經難波/心齋橋/梅田站搭地鐵去到千里中央站, 落車轉單軌火車去萬博的. 不過由於筆者係住長堀橋(心齋橋篇時介紹既Best Western Hotel) 既關係, 所以筆者直接由長堀橋搭直通運轉既地下鐵直達山田站, 再轉單軌火車去萬博. 車程30分鐘. 不過要提醒大家, 地下鐵一日/兩日PASS係唔包山田或者千里中央站的. 所以要另外比錢......

大阪篇 - 大阪城公園

近期好多旅遊雜誌同旅遊節目都介紹大阪城, 原因係原來大阪城重修完終於重開. 今年九月筆者去既時候, 明明可以比錢入去架喎@@" 唔通當時未開晒? 唔緊要啦, 今集簡單好多, 淨係教大家搭車, 其餘既睇相就清楚晒.

去大阪城, 要搭地下鐵, 去森之宮站. 3B出口就係架喇!

十分 (新台鐵時間表: 16年06月10日起生效)

上一集介紹過瑞芳, 今集要入正題講 "十分" 了. 可能因為 "九份" 的原故, 好多香港人將 "十分" 讀成 "十份". 記住, 係 "十分" 先岩.

其實喺未有 《那些年, 我們一起追的女孩》之前, 十分已經非常有名, 是港台居民假日必到的旅遊點. 無他, 呢度集懷舊, 天燈, 瀑布, 吊橋同鐵路於一身. 真係老少咸宜. 可是, 相信大家同筆者都有相同既經歷, 就係旅遊書無教你點樣由十分行去十分瀑布, 要知道由十分行去瀑布要半個小時. 沿途又無指示又夠晒荒蕪. 另外又無介紹好特別既煤礦博物館. 所以本文會比較集中以上兩項. 至於其他的......睇相都夠吧!

搭車既方法同時間表我會放喺本文底, 但係先講下以下呢張一日週遊券先. 

大阪篇- 阿倍野 / 通天閣 / 阪堺電車

去東京旅行, 好多女仔鍾意去原宿同涉谷, 因為呢兩個地方係潮流既指標. 但係大阪比人既感覺總係OUT OUT地, 就算心齋橋既衫都係平價貨多, 例如WE GO, GU, H&M. 想要潮物就要去遠少少, 去今集介紹既 阿倍野 喇. 今集我會連埋阿倍野另一個景點, 地面電車 - 阪堺電車, 同埋阪堺電車既另一邊總站 - 通天閣一併介紹. 不過呢兩個景點絕對唔近, 除非你想好似我咁遊車河, 否則係要分開行的. 詳情如下:

大阪篇- 大阪 / 梅田

去大阪, 當然會去大阪啦 (又或者叫梅田). 如果用地點計, 難波比較旺角銅鑼灣, 梅田就似中環. 其實今集都唔駛點介紹, 因為梅田主要都係行商場, 加上今年落成既Gand Front Osaka. 全部都係一出地鐵站就可以搵到, 基本上全程唔駛出地面. 又由於筆者並唔喜歡行商場, 所以今集反而會介紹大家去車站旁邊既平民飯堂. 真係又平又好味. 不過我地又睇左地圖先.

大阪篇 - 心齋橋 / 美國村

大阪篇, 其中一個最重要既SHOPPING地點, 當然係心齋橋啦. 一條長長既步行街, 乜鬼鋪頭都有. 仲平好鬼死平同好多款你揀. 不知幾開心. 不過今日介紹心齋橋之前, 我地睇左個地圖先, 因為筆者想介紹間酒店比大家.

大阪篇 - 道頓堀

道頓堀位於心齋橋同難波之間, 打橫既一條河以及附近既一條飲食街. 最出名既當然係大大個固力果廣告牌同埋激安啦, 亦由於道頓堀夾喺兩個旅遊點之間, 所以無地鐵直達, 就算夾硬黎計, 最近既都只不過係 "日本橋" 站. 所以一般遊客都係由心齋橋出發, 一路行到去道頓堀順手食埋野. 今集除左會講條河之外, 仲會介紹兩間食肆比大家, 一間係極出名食蟹既, 另一間就係排隊排成個鐘既大阪燒.

大阪篇 - 惠美須町 / 難波 / AKB48 Cafe & Shop (Namba)

去得大阪, 基本上心齋橋, 道頓堀同難波一定係黐住行咁滯, 就好似香港既太子旺角油麻地咁. 不過大阪慘D, 想搭車都無, 焗你一定要行咁滯. 今篇文章我調番轉, 介紹大家由惠美須町開始行. 其實惠美須町位於難波既附近, 由惠美須町行過去難波只須10分鐘左右. 加上難波既大型商場好似高島屋咁大家都識行講黎都無謂. 所以今日大家就由惠美須町站落車, 沿出口1a或1b一齊陪我行啦.

一出地鐵站, 你就會見到上圖呢條日本橋筋商店街. 其實惠美須町呢度被人形容為大阪秋葉原! 同樣有女僕Cafe, 二手電腦電話店鋪, 同埋賣大量動漫玩具既商店.

和歌山 / 和歌山電鐵 (貓站長)

和歌山有兩大景點, 一個係白濱, 白濱係近海既地方, 有一個漁市場. 連Go Japan!都有介紹過的. 而另一個景點就係今集介紹既貓站長喇!

要去探貓站長, 即係要搭和歌山電鐵. 和歌山電鐵既市區總站位於JR和歌山站內. 所以如果你由奈良, 大阪, 京都等地想去探貓站長, 最好選搭JR路線. 因為其他私鐵線只可以去到 "和歌山市站", 要搭和歌山電鐵既話就要再轉多一程車.

昨日講到, 由於筆者係住機場酒店既關係, 所以本文由機場出發.

大阪篇 - KIX 關西國際機場

終於由大阪返黎. 東京就去得多, 大阪都係第一次. 但係感覺麻麻, 人又無咁有禮貌(當然已經好過香港同強國), 應該無下次架喇. 點都好, 介紹左個機場先.

東京駅一番街

有睇開我個BLOG既都覺得我好少去山手線既右半版, 今次因為轉車既關係, 終於在東京站停一停. 事實上, 自從去年JR東京站大翻新完成之後, 其實都幾值得大家去睇下影下相. 不過今日筆者帶大家去既係位於JR東京站地庫既 "東京駅一番街".

原宿 (竹下通/原宿通, 表參道, 明治神宮) 2014年2月更新

早前有篇報導, 選出外國遊客眼中日本必到既景點. 意外地, 排首位既竟然係原宿!! 當然, 筆者並不反對原宿是一個出名的旅遊點. 可是, 去過既朋友都應該會覺得, 原宿其實即係一個旺角, 一條女人街, 好多平價衣服賣, 亦都係年青人既潮流點. 但係如果講FASHION, 涉谷先至係潮既指標! 原宿一味夠MK. 點都好啦, 原宿呢一站遲早都要講架喇, 就襯住依傢咁出名就寫左呢篇先啦.

台場 (2017年5月更新)

好喇, 今集寫台場. 台場係一個非常適合年青人去既地方, 因為這裡充滿新奇刺激的東西. 有新起既高達館, 豐田城, 前全球最大既摩天輪, Legoland, 蠟像館, 總之寫都寫唔晒. 大家睇下個地圖就明點解我寫得咁辛苦, 真係想搵個位寫野都無. (中間紫色既係一橋行人天橋, 連接住台場既兩端, 極之方便, 步行約5-10分鐘.)

池袋 (2014年2月更新)

聖誕快樂. 祝大家出入平安, 空喼去滿喼返. 大家都知道, 筆者二月會去沖繩結婚, 順道會去埋東京玩. 所以我好想二月前寫好晒東京篇, 咁二月就可以開始寫沖繩. 不過講就咁講, 依傢東京篇除左今集既池袋之外, 仲有上野, 東京鐵塔, 自由之丘, 水道橋(DOME CITY)同都電荒川線未寫. 所以呢個聖誕假期要勤力一點了.

今集介紹池袋, 每本旅遊書都必定會寫 "東武在西口, 西武在東口" 呢句野. 原因係, 池袋地鐵站東出口既商場係西武, 但係西出口既商場反而係東武, 問你死未? 不過咁, 除左你去酒店之外, 池袋既景點集中在池袋東口的, 所以記住東口就可以. 交通方面應該唔駛點介紹啦, JR, METRO各條路線都有池袋站, 而出口亦都係一樣, 所以呢點就唔多講了, 又睇地圖先! (地圖於2014年2月更新)

Namja Town (池袋SunShine City內)

有睇過池袋篇既都知道, 筆者去年去池袋既時候, Namja Town咁岩大裝修所有無得玩. 今年再去, 終於有得入. 最好彩既係, 由於日本即將上映Tiger & Bunny電影版, 所以Namja Town內都用左Tiger & Bunny為主題, 無論食既定玩既都有Tiger & Bunny. 唔明既唔緊要. 睇相吧.

川越 - 川越一番街

呢幾日香港都又濕又凍. 令我想起二月日本大風雪時, 其中一個重災區, 就係 川越!

川越係一個充滿江戶時代感覺既地方, 筆者都係因為上面既相片, 所以吸引左我去一睹川越既風采. 川越最出名既係 "一番街 ", 基本上去得川越都係為左去一番街. 依傢睇下地圖先.

戀人之聖地 - 千葉Port Tower

今日帶大家去一個話近唔近話遠唔遠, 但係又 (懶係) 好浪漫既地方, 就係 千葉Port Tower. 即係日本都有心鎖玩既地方, 今次特別一點, 睇相先.

東京灣 - 海之螢火蟲

平時大家睇日本片, 總係會見到東京灣上面有條橋, 去到一半就斷開左. 而斷開左呢個地方就係今集既主角 - 海之螢火蟲(Umihotaru) .

前往海之螢火蟲既方法, 就係先去上一集介紹過既川崎搭巴士前往, 車程約40分鐘. 由JR川崎站, 東口出, 就會有一個大巴士總站, 不過部巴士不在巴士總站內, 而係要行過對面, 22號月台. (詳情請睇番上一集川崎篇)

搭前往 "木更津" 既巴士, 車費係¥1050. 但係記住, 只有指定時間內既巴士先去到海之螢火蟲. 閒日就由上午9時至下午5時22分之間. 而星期六日會好一點, 由上午9時至晚上7時52分都有車, 班次係約30-60分鐘一班.