去東京旅行, 好多女仔鍾意去原宿同涉谷, 因為呢兩個地方係潮流既指標. 但係大阪比人既感覺總係OUT OUT地, 就算心齋橋既衫都係平價貨多, 例如WE GO, GU, H&M. 想要潮物就要去遠少少, 去今集介紹既 阿倍野 喇. 今集我會連埋阿倍野另一個景點, 地面電車 - 阪堺電車, 同埋阪堺電車既另一邊總站 - 通天閣一併介紹. 不過呢兩個景點絕對唔近, 除非你想好似我咁遊車河, 否則係要分開行的. 詳情如下:
阿倍野 Q's Mall
從阿倍野地下鐵站一出, 就會直達 Q's Mall 既地庫層, 呢度有個Food Court, 亦有少量成衣店.
當然呢層唔係重點啦, Q's Mall 既三樓, 有個叫109既角落, 叫得109因為佢真係搵左十數間涉谷109既牌子於一身, 係正牌既109, 我太太去睇過, 所有野同涉谷同步咁滯, 當然價錢都係一樣啦.
以下係呢個Q's Mall 既其他地方, 入面仲有間SEGA, 可以夾公仔同玩柏青哥, 但係我最想玩既反而係小朋友玩既汔車城.
阪堺電車
之後, 行過對面馬路, 就會黎到地面電車 - 阪堺電車既總站, 天王寺駅前站. 如果東京既經典係 都電荒川線 既話, 咁大阪就要搭下 阪堺電車喇.
一如平時既路面電車, 乘客係由車尾上車, 車頭落車, 落車時比錢的. 每程Y$200. 沿途都係細街, 所以除左總站之外, 街邊既站都好似香港既電車站咁, 仲要無頂既添.
搭左40分鐘車 (中途要轉車架!) 就去到另一邊既總站 - 惠美須町, 一落車行過馬路就係通天閣既入口, 通天閣本通.
通天閣
(本文地圖取材自谷歌地圖)
沒有留言:
張貼留言