輕井澤 (17年4月更新)

今日去遠少少，帶大家去近年好多香港人去既輕井澤。由東京搭新幹線過黎約一小時十分鐘車程。（搭得新幹線當然要買ＰＡＳＳ，否則單程車費已經要５３９０円）另外提提大家，輕井澤呢度係高原地區，亦係日本人既避暑山莊，所以就算東京幾熱都好，黎到呢度都總會覺得陣陣涼，記得帶定件風褸黎。

台場 - 東雲汔車超市及豐田城

聖誕快樂!! 其實2014年筆者已經寫左台場. 今日再寫既原因係, 上次我去既時候係夜晚, 豐田城入面好多好玩既野都收晒. 二黎, 杜如風小姐早前個電視旅遊節目介紹左東雲汔車超級市場, 所以筆者就專登去睇下, 順手教下大家點樣搭車去. 依傢先去豐田城玩下先!

超平旅遊保險

今日有一單新聞, "一名女子在沖繩食牛舌時鯁喉昏迷，送院期間心跳曾停頓三分鐘，在當地醫院救治二十一天，現情況危殆。由於她無買旅遊保險，當地住院醫療開支高達每天一萬港元，家人支付十萬元醫療費後已山窮水盡，正四處求助，盼盡早將她接返港治療。" < 轉載自蘋果日報網站.

跟住當然有D "專家" 訪問話旅遊保險要七百幾蚊港紙先至包得全面. 但係咁講咪即係叫人唔好買旅遊保險! 七百蚊邊個會買? 今日筆者推介一間超平既旅遊保險公司比各位, 下次去旅行記住一定要買喇!

東京兩大機場 - 成田機場 & 羽田機場 (15年2月21日更新)

今日介紹東京既兩大機場 - 成田機場同羽田機場. 如果以航班黎計, 成田機場會比羽田機場多機啲. 但係飛行時間其實係差不多的. 最受香港人歡迎的時間有兩段, 其中一個係香港時間00:50至02:00香港起飛, 05:30至06:30日本落機(日本時間); 另一段係09:00至10:00香港起飛, 14:00至16:00日本落機. 前者零晨機有個好處, 就係你可以星期五晚出發, 星期日晚夜機返香港都趕得切. 呢班機筆者試過一次, 不過依傢老了, 太辛苦頂唔順. 加上咁早JR旅客服務中心未開門. 所以如果你第一次去, 又或者想到埗先買JR PASS的話, 筆者就不會介紹你搭零晨機.

京都篇 - 清水寺 / 租和服介紹

本篇文章會比較長, 大家耐心D睇啦. 去得京都, 基本上都一定會去清水寺咁滯, 特別係呢度有戀愛石, 亦都可以租和服周街逛過下癮. 所以今日一開始會介紹左租和服既店鋪先. 呢間店叫 "夢京都", 好多旅遊書都介紹呢間的, 夢京都在京都有兩間分店, 而網址亦都係獨立分開的, 今日我介紹呢間係最近清水寺的, 只要你用上面個連結CLICK入去就無錯架喇.

夢京都 - 租和服店

京都篇 - 二条城

如果去大阪要去大阪城既話, 咁去京都就要黎二条城. 比番上集個地圖大家睇下先.

上文介紹左大家租單車同電動附助單車, 所以大家應該識踩單車過黎二条城架喇. 由JR京都踩過黎需時約20分鐘.

京都篇 - 租單車 / 電動附助單車

終於黎到京都篇, 第一樣要介紹既當然係教大家去邊度租單車好啦. 好多人都會用單車黎遊覽京都, 原因係京都唔算好大, 不過地鐵站又唔近景點, 加上巴士又唔係順路(雖然班次都幾密). 所以呢, 都係租單車好玩好多. 日本踩單車比香港安全得多, 一來, 日本踩單車係踩行人路的, 唔似香港咁一定要你踩出馬路, 二來日本人駕駛態度好過香港多多聲, 絕大部份時間, 單車都係優先的. 不過呢D陣間會詳細講, 依傢講左租邊間單車好先.