東京鐵塔

之前曾經寫過, Sky Tree同東京鐵塔比, 始終都係東京鐵塔有味道. 除左外型, 顏色之外. 仲有鐵塔附近既芝公園, 同埋周圍既櫻花樹.....

去東京鐵塔其實好方便, 去完築地搭幾個站就去到. 睇下地圖先啦.

自由之丘

今日去遠少少, 黎到目黑區既自由之丘. 目黑大家多數都聽過架喇, 特別係幾年前周國賢首歌. 目黑比人既感覺, 係一個高尚而優閒既地方. 而目黑區內既自由之丘更加係高尚同優閒既表表姐. 自由之丘原本係個好歐陸式既住宅區, 但係近年有唔少店進駐, 依傢變成有大大小小店鋪一千多間. 黎自由之丘好容易, 從METRO東新宿, 新宿三丁目, 池袋, 澀谷等地方搭副都心線直通東急東橫線就可以直達, 如果你由東京方面出發, 就要搭任何METRO線轉日比谷線, 到中目黑轉東急東橫線. (詳情睇番日本鐵路介紹一文).

上野

上野係一個岩晒大人細路哥既地方, 呢道有賞櫻花最好既地方 - 上野恩賜公園. 又有上野動物園, Yamashiroya, 海味街, 阿美橫町商店街, 仲可以唔駛排隊食一蘭拉麵, 係咪好想去呢?

淺草 (雷門, 仲見世, 淺草寺, SkyTree)

淺草是一個香港人常去的旅遊點. 加上東京第一塔SkyTree的落成, 於是淺草更加變成必到的一站. 由於沒有JR路線途經淺草, 要去淺草就一定要乘坐私鐵(METRO), 表面上淺草有數條私鐵線經過, 所以非常方便, 可是由於每條私鐵線的淺草站都位於淺草內不同的地方, 所以你要先知道你用採用那條私鐵線前往淺草, 才能夠定下你的路線圖, 我們先看地圖吧!

大宮鐵路博物館

黎到電車男最鍾意既一站, 大宮鐵路博物館了. 呢間博物館當地人都好鍾意帶埋小朋友去, 因為實在太大了. 呢度夠你玩大半日, 預4-6小時走唔甩架喇, 博物館入面有野餐廳, 唔算平但亦都唔係貴都飛天. 先介紹下點樣搭車去.

秋葉原

上集介紹左中野, 今集當然要介紹埋另一個宅男天堂 - 秋葉原啦. 其實秋葉原都真係幾好玩的. 除左買玩具之外, 呢度仲有好多電子產品(例如相機, 電腦等), 不過當然依傢出左名就唔見得平, 但係都好過外面既, 由於呢度多鋪競爭大, 優惠總會比外面多少少. 你當呢度係旺角西洋菜街咁就明. 另外, 呢度仲有幾間賣舊CD既鋪頭, 你想搵陳年CD都可以起呢度搵. 好喇, 又睇下地圖先.

中野

今集介紹呢個地方令我非常矛盾. 想寫既原因係我有個朋友今個月尾去日本, 我介紹左佢去呢個地方. 唔敢寫既原因, 係當我決定寫日本篇既時候, 我老婆豬已經講明唔比我寫中野......不如睇左地圖先.