沖繩篇 - 小祿AEON MALL

好多人去沖繩都鍾意行AEON, 原因係沖繩既AEON除左大家平時去開香港嗰種百貨公司連超級市場之外. 仲係一個大型商場, 好多衫褲鞋襪同精品既鋪頭都有. 就好似筆者去親沖繩每晚返酒店前都會去既呢間AEON咁, 入面有全沖繩最近市區既UNIQLO, 仲有龍貓專門店同Village Vanguard, 不知幾好行. 今次唔駛睇地圖喇掛? 搭單軌火車黎到小祿站就會見到下面呢座建築物, 就係AEON MALL了.

一出閘, 沿住天橋行過去就到, 我地行左商場先, 之後再行超市.

呢度樓高三層, 地下(即日本叫1/F)係超市同埋Food Court, 好多學生鍾意黎呢度食野的, 地方夠晒大, 可以一試. 2/F係時裝層, UNIQLO同ABC MART等既牌子都集中喺呢一層, 而3/F就係電器部.

沖繩篇 - 串角 (串燒放題)

今日帶大家去一間當地好出名既餐廳食串燒放題. 呢間餐廳叫 "串角", 喺沖繩有九間分店, 其實佢除左串燒之外, 仲有得飲啤酒同食壽司等日本食物. 不過一心去到, 當然串燒係主角, 加上仲可以揀放題定散叫逐串比錢添, 就更加會揀放題. (不過下次再去, 我就會揀逐串比錢喇) 睇左下面啲相先再講啦.

今次介紹呢間鋪位於旭橋站附近, 旭橋站旁邊就係那霸巴士總站. 所以大家由美國村等等地方搭長途巴士返到出黎, 食野串角先返酒店係好順路的!! 而營業時間係傍晚17:30至第二朝05:00!!

痩せません

沖繩篇 - マンガ倉庫 (漫畫倉庫)

今日為大家介紹既呢個地方, 我敢話無一本香港旅遊書有介紹過, 亦都極少香港人識. 大家都知筆者最鍾意就係夾公仔, 於是就周圍搵夾公仔鋪頭, 終於比我發掘到呢個好地方, 就係位於赤嶺站附近, 仲要係24小時營業既 マンガ倉庫 (漫畫倉庫).

唔好淨係聽個名就以為得漫畫, 其實呢間仲係2手衫店, CD, 樂器, GAME, 夾公仔, 玩具, 乜都有.

二手名牌手錶, 手飾.

沖繩篇 - 豐見城Outlet (Ashibinaa)

沖繩篇又同大家見面喇, 筆者知道好多讀者會趁暑假去沖繩玩, 所以先寫左呢篇OUTLET介紹, 方便讀者去掃貨. 呢個OUTLET好出名, 除左自由行之外, 旅行團都會必定會帶人去. 地點係豐見城裏面, 由兩至三個大商場組成, 我即管叫佢地做豐見城OUTLET先啦. 呢度D野除左非常平同多之外, 另一個大賣點係近機場, 由機場搭巴士黎只需15分鐘, 絕對係臨上機前血拼既好機會. 詳情睇下面地圖:

今日唔講點搭車住, 先介紹左個OUTLET等大家流下口水先. 從地圖可以見到, 由市區出發計, 一落車就會見到TODA BOOKS (書店), 旁邊有間大型電器鋪, 其實入面有GAME同玩具買的. 而另一旁就係一座叫 Tomiton 既商場, 呢度有間DAISO, 亦有唔少食肆, 係血拼後食野既好地方. 而本文重點當然係對面既Ashibinaa (Okinawa Outlet Mall), 呢度你講得出既牌子都有, 當中以波鞋最多香港人買亦都非常平. 另一家最多人幫襯既係Agnes B, 朋友話呢度D款雖然唔會係最新, 但係對香港黎講唔算OUT, 加上平成半咁滯. 所以又係另一必買之選. 講住咁多先. 睇相吧.

除左可愛電器, 家庭用品, 藥, 同遊戲機, GAME乜都有.

那霸空港 (15年2月更新)

終於開始沖繩篇, 一開始無乜野好寫, 都係介紹左個機場先啦. 特別係介紹2014年2月17日先啟用既新國際線航廈, 絕對快過旅遊書. 睇下地圖先.

由於那霸新國際航廈係今年先開既關係, GOOGLE MAP都未更新的. 地圖靠右既地方係那霸市既唯一一條鐵路 - 單軌火車既總站, 不過總站只係有兩條天橋連接去內陸線既ANA同JAL航廈. 要去國際航廈返香港既話, 就要經ANA既內陸線航廈, 落番地面, 沿住馬路慢慢行過去, 仲要係露天既添. 你睇下日本人幾唔歡迎遊客, 無論以前既羽田機場同那霸機場, 都係服務本土市民為先. 連單軌鐵路都唔延長少少去埋國際航廈, 真係激死人. =.="

Mishima Skywalk 三島吊橋

今日介紹既呢個地方，落成唔夠一年，所以好多雜誌都介紹過架喇，就係可以影到富士山既三島吊橋Mishima Skywalk。不過咁，本本雜誌都淨係影幾張相，再貼個地址出黎就當介紹左，三島喎？唔係JR東日本既範圍黎架喎，大家真係識去？今日筆者會教大家幾種前往三島吊橋既方法，包你睇完一定明。

我地由三島吊橋巴士站落車之後開始講起：

沖繩單軌火車 Yui-Rail 及那霸景點簡介

無論係第一次睇小弟既文筆既, 或者係已經一直追開ThatsWhy’s Travel既朋友, 我都歡迎大家黎到呢個新居, 以後所有新文章都會喺呢度首發左先. 大家覺得有用既隨便SHARE比你既朋友, 再比個LIKE小弟啦. 新地方當然有新主題啦, 而新主題就係近期越黎越多香港人去既沖繩喇, 未來既呢幾個月, 我都會好集中咁介紹沖繩好食好玩好睇既地方比大家. 如果大家睇到悶, 又或者有啲地方你將會去想我寫左先既話, 無問題的. 請大家互動一下就可以. 講完廢話要入正題了:

沖繩既市區, 即係那霸, 只有一條鐵路, 就係Yui-Rail單軌火車. 呢條鐵路連接住那霸市市區同那霸機場的, 所以自遊行既人士一定要識搭單軌.

從那霸機場既國內線航廈, 沿住天橋同指示行出去, 就會去到單軌火車既總站 - 那霸空港站.

而那霸空港站就係全日本最西面既站, 所以總站度有塊咁既石做紀念.

總站入面既呢幅地圖, 可以睇到那霸市全貌之外, 仲有Yui-Rail全線既路線圖同埋各站之間所需既時間, 例如由那霸空港去國際通(即係 "県庁前駅")既話, 就要13分鐘.