沖繩篇 - マンガ倉庫 (漫畫倉庫)

今日為大家介紹既呢個地方, 我敢話無一本香港旅遊書有介紹過, 亦都極少香港人識. 大家都知筆者最鍾意就係夾公仔, 於是就周圍搵夾公仔鋪頭, 終於比我發掘到呢個好地方, 就係位於赤嶺站附近, 仲要係24小時營業既 マンガ倉庫 (漫畫倉庫).

唔好淨係聽個名就以為得漫畫, 其實呢間仲係2手衫店, CD, 樂器, GAME, 夾公仔, 玩具, 乜都有.

二手名牌手錶, 手飾.

衫, 電器, 同樂器一應俱全.

反而夾公仔機就唔係好多部. 大家從上面既相都見到, 其實呢度乜都有. 如果你鍾意玩咭GAME既話, 呢度都應該有齊你玩開既咭, 仲可以逐張買. 另外大家見到公仔同模型品之類. 多數都係D人夾公仔之後唔拎走, 放起度賣的. 所以價錢比出面買全新既平好多!!! 雖然叫二手, 但係根本未開過盒. 入番幾盒返香港賣都仲得. 今次無介錯喇掛?

交通指南:

由赤嶺站行過黎只需5分鐘 (沿下圖紫色線行就係, 一轉彎基本上已經望到). 而赤嶺同那霸機場只係一站之隔. 所以CHECK IN完仲有時間淨既先過黎慢慢睇都未遲. 如果你係自駕既話, 呢間店除左24小時營業之外, 仲有免費車位提供. 夜晚訓唔著過黎夾下公仔, 再去酒店附近既24小時麥當勞食個包不知幾爽!

自駕遊指南

GPS請入電話號碼: "0988918181"
想去浦添分店, 請入電話號碼: "0988744455"
兩間分店都有大型免費停車場任你泊. 當中浦添店門面面積最大最多野睇.

(本文地圖取材自谷歌地圖)