之前介紹過出島同長崎原爆既歷史旅程之後, 今日就到文青之旅. 雖然主題寫咗 4 個地方, 但係呢 4 個地方係可以串埋半日行得晒.
先教下大家點行先, 留意 38號站公會堂前 (新站名: 市民會館), 一落車沿市民會館行就會見到條河, 行幾分鐘就見到眼鏡橋, 然後沿 33號站觀光通リ就可以穿過去新地中華街. 咁就係今日既行程喇, 我地先由長崎著名影相熱點 - 眼鏡橋 開始講.
眼鏡橋
先補充一句, 38同45號站都係叫公會堂前 (新名: 市民會館). 其實兩個站只係一個十字號一直一橫既月台, 所以你搭邊條線去其中一個站落車都一樣. 落車後見到上面呢間市民會館, 沿住旁邊行就會行到去河邊.
呢條就係眼鏡橋喇, 佢係日本最古老既拱型石橋, 而由於佢係雙拱型設計, 當湖面平靜時你影相的話, 石橋既倒影連埋條橋睇落好似一副眼鏡咁, 所以得名為 "眼鏡橋". 不過我點影都唔似, 返到香港睇番啲高手影既相, 先發覺原來要喺另一個方向影過黎先似. 大家去到就再試下啦.
長崎龍馬之路
呢條長崎龍馬之路就係地圖中間既紅線. 呢條路好特別, 係特別舊. 由眼鏡橋行入去就係.
 |
| 唔講你唔信, 長崎其中一樣著名既野, 就係呢間麵包鋪. 我喺酒店睇電視咁啱都係介紹呢間麵包鋪, 你話奇唔奇? |
銀座通
銀座通 (觀光通) 係幾段室內商店街, 呢啲商店街, 大家喺熊本都行到熟架啦. 我地直接睇相.
 |
| 仲記唔記得呢間2nd Street? 我喺鳥栖篇度介紹過, 不過呢間細好多, 亦少好多貨, 呢度主要集中細件既, 例如手袋, 衫同鞋. 想搵番大大間嗰間2nd Street既, 去呢度重溫番 >> 鳥栖 - 全九州最大Outlet / 平民二手店 |
 |
| 全長崎唯一一間驚安就係呢度喇. |
 |
| 行到攰, 呢度上二樓仲有休息室比旅客坐下, 同去洗手間. 上面仲有觀光通既中文地圖攞添. (如下圖) |
 |
| 大家可以睇到, 呢條觀光通主要係十字型咁行, 但係好多橫街少巷都有野睇, 你可以慢慢行飽佢. |
新地中華街
離開咗銀座通之後, 穿過長崎市電 觀光通リ站, 就會到達新地中華街.
幾集之前同大家開左個問題, 今集要開估喇. 我當時問大家, 長崎人好鍾意食中餐, 但係佢地淨係會食一樣野, 究係咩呢? 答案就係什錦乾脆麵, 說實話, 我真係無食過, 堂堂香港人去旅行仲食中餐咩? 有興趣既大家去長崎時可以去試下, 當地人一個星期最少食一次先安落咁話喎. 好喇, 我地繼續行街.
 |
| 對於香港人黎講, 呢啲野同廟街睇到既有咩分別?? |
下一集, 我地會去大浦天主堂同埋去.....匯豐銀行@@" 下集見!!
沒有留言:
張貼留言