上圖係杜如風親筆簽名, 想搵好野跟住佢一定無錯. 今日為大家介紹既呢間店鋪就係佢喺電視節目中介紹過既隱世名牌復古店喇! 叫得隱世當然唔會咁易比你搵到啦, 不過放心, 呢個Blog最出名既就係交通指南, 留番最尾先講, 睇野先.
J&MARMIE vintage select
呢間鋪位於 (福崗) 天神一條小巷既二樓, 一個唔小心就會錯過左. 呢度地方唔算好大, 但係件件都係精品.
呢度唔似得米蘭站同Brand Off 咁, 乜野二手野都入. 呢度賣得既, 都係出面搵都搵唔到既Vintage款. 比啲戰利品大家睇下:
深藍色絨面既Chanel袋, 未見過喇掛? 老闆娘話呢個袋除左夠晒Vintage之外, 佢條金色鏈用左咁多年都仲無甩色, 依然咁金先係賣點. 呢個袋幾錢? 萬拎蚊咁啦. 上佢個網有齊所有款比你睇. 呢度除左現金之外, 亦都收信用咭VISA/ MASTER CARD, 上得黎唔放低番幾萬蚊, 你老婆都幾難比你走得甩.
同老闆娘傾計, 佢話除左杜如風個節目之外, U Magazine都黎採訪過, 咁計落, 我夾硬都算係第三間採訪佢既香港媒體喎. 另外, 老闆娘話每日都一定有香港旅客上黎佢間鋪. 所以手快有手慢真係會無!!
J&MARMIE網頁: http://www.j-marmie.com/phone/
交通指南:
天神大家都識去啦, 由博多搭地鐵或者巴士黎都得. 到左之後沿住下面個地圖行10分鐘就到.
首先, 喺三越同Solaria Stage之間嗰條街行入去.
見到VIORO同IWATAYA就即係無行錯, 繼續向前行.
J&MARMIE就喺二樓 (上一層)
福岡篇相關文章:
沒有留言:
張貼留言