海女篇 - 久慈琥珀博物館 及 陸中野田

久慈係琥珀既起源地，博物館話全日本既琥珀主要都係來自久慈。所以黎得久慈梗係要睇下久慈琥珀博物館啦。

呢個博物館，除左介紹琥珀既誕生之外，唔少得既當然有店鋪售賣琥珀啦。另外，佢仲有教學既時段，比各學員親身試下打磨琥珀。

另一邊，仲有個琥珀坑道比大家參觀，睇下琥珀係點樣挖掘出黎既。

陸中野田

今日帶大家去一個近近地既地方，叫陸中野田。其實某程度上既原因係想遊下車河，坐下北陸電鉄。大家都知道，北陸電鉄佔據左劇集既一大部份。不過話雖如此，其實陸中野田亦都有佢既自身特式，就係塩！

一出火車站，大家就會見到上面呢座塩之道。當然，佢係一個道之駅，比長途車司機休息既地方，但係陸中野田呢度最出名既係塩，就連上圖呢間塩味雪糕店都非常出名。所以如果有時間既話，大家可以過黎行個圈，再搭返火車返久慈架。

只有冬季先行駛既“坐敷列車”，其實即係指暖氣座位列車，不過列車上面會提應埋餐食，所以已經變成每年冬季遊客必坐既觀光列車。(可惜既係，當你睇到本文既呢一刻，呢部列車已經退左役）

一連數集既海女篇已經黎到尾聲，下一集會教大家點樣由東京黎久慈。Plan緊行程既你，就唔好錯過下一集既交通指南喇。