神戸元町ドリア (神戶元町多利亞)

有睇開達思怪遊世界既朋友都知, 我好少介紹食肆, 除非真係又平又正又好食. 今日終於比我搵到間值得介紹既餐廳. 呢間就係神戶元町多利亞 (神戶元町doria, 神戸元町ドリア).  其實多利亞係乜呢?  日本既旅遊書介紹香港既焗豬排飯就係用多利亞黎形容佢.  當然啦, 介紹大家食焗飯會唔會普通咗啲?  睇埋下面先啦.

首先, 多數多利亞都係有芝士既, 上圖兩個飯分別係芝士扣肉飯同埋芝士海鮮飯.  而呢間餐廳最特別既係......

佢每個飯既下面都有個火, 用黎熱住你個飯.  個火係到你食完都未熄.  好處係, 飯入面既芝士同埋汁都可以不定咁溶住唔會凝固, 食到落底都依然咁好味.

你睇下啲芝士幾溶.

而食法好簡單, 你只需要將啲飯逐少逐少咁葏落去隻碗度, 攤凍黎食就得喇. 開飯喇!!!

比埋個櫥窗大家睇下, 價錢唔太貴, 平均¥1000左右已經有個飯, 即係大約$80港幣左右啦.

比埋少少室內裝修相大家睇, 基本四四正正咁啦.

分店方面, 呢間餐廳全日本各個地方都有分店咁滯, 例如沖繩都有(不過咁大個沖繩得一間咁大把, 鬼咩, 名古屋都係得一間咋!)
比埋個官網大家去睇下, 下次去日本唔知想食乜, 上網睇睇食個lunch都唔錯丫.

https://www.saint-marc-hd.com/grill/