沖繩篇又同大家見面喇, 筆者知道好多讀者會趁暑假去沖繩玩, 所以先寫左呢篇OUTLET介紹, 方便讀者去掃貨. 呢個OUTLET好出名, 除左自由行之外, 旅行團都會必定會帶人去. 地點係豐見城裏面, 由兩至三個大商場組成, 我即管叫佢地做豐見城OUTLET先啦. 呢度D野除左非常平同多之外, 另一個大賣點係近機場, 由機場搭巴士黎只需15分鐘, 絕對係臨上機前血拼既好機會. 詳情睇下面地圖:
今日唔講點搭車住, 先介紹左個OUTLET等大家流下口水先. 從地圖可以見到, 由市區出發計, 一落車就會見到TODA BOOKS (書店), 旁邊有間大型電器鋪, 其實入面有GAME同玩具買的. 而另一旁就係一座叫 Tomiton 既商場, 呢度有間DAISO, 亦有唔少食肆, 係血拼後食野既好地方. 而本文重點當然係對面既Ashibinaa
(Okinawa Outlet Mall), 呢度你講得出既牌子都有, 當中以波鞋最多香港人買亦都非常平. 另一家最多人幫襯既係Agnes B, 朋友話呢度D款雖然唔會係最新, 但係對香港黎講唔算OUT,
加上平成半咁滯. 所以又係另一必買之選. 講住咁多先. 睇相吧.
除左可愛電器, 家庭用品, 藥, 同遊戲機, GAME乜都有.
從Tomition既二樓望落去, 好似個大遊樂場咁. 其實大家細心D睇, 旁邊既鋪全部都係食肆, 係一個超大既FOOD COURT.
筆者反而食BURGER. ￥1000一個餐. 好貴呀! 可能FOOD COURT食個拉面會平少少.
地下係咁樣的, 下面既相係二樓既玩具鋪, 夾公仔店JOY JUNGLE (呢間店美國村入面都有, 遲下會再介紹).
二樓仲有呢間影家庭照既鋪頭. 而商場通道既另一端就係去DAISO同埋GOLF5既地方.
最後當然要食埋沖繩名勝, Blue Seal雪糕啦, 呢種雪糕係好Creamy果種. 好幼滑, 好好食, 仲好多種口味比你揀添.
跟主下面係主菜, Ashibinaa Okinawa Outlet Mall. 我地由OUTLET入口開始睇.
1F即係地下, 2F係少量食肆, 位於全個OUTLET最入既地方. 不過你一定會行得晒, 無人可以敵得過誘惑的.
OUTLET中間有片空地, 有幾部小食車. 下圖係服務中心. 附近仲有間鋪專門幫你鎖行李的. 等你唔駛拎住喼黎行街.
2F係食肆, 不過筆者建議大家去Tomiton食會地道D同平DD.
最後提提大家, 呢度好多鋪頭都有做免稅的.
你只要買夠店家指定既金額就可以即場做退稅. 詳情留意番每間鋪頭既指引.
交通指南:
先講左來回機場既巴士先, 巴士站位於ABC MART旁邊:
巴士編號係95號, 每一個鐘一班車, 機場逢整點開出, OUTLET逢30分開出, 車程15分鐘. 一般我會介紹讀者去機場利用收費LOCKER鎖好行李, 跟住搭巴士過黎殺一個上午, 中午食埋野就搭巴士返機場, 大家見到機場開出最早係10:00, 即係呢度既店鋪一般都係10:30-11:00左右開鋪. 車費好似係￥400.
來往那霸市區既方法:
市區黎呢度可以搭巴士55, 56, 88, 98號去到 "アウトレツトモールあしびなー前"站落. 一落車就係TODA BOOKS書店了. 上車返出市區就過番對面馬路, 如下圖.
近鏡頭呢個亭就係從市區黎到既 "アウトレツトモールあしびなー前" 站, 對面就係返出市區既. 不過由於個站名太長, 所以巴士上面個報站機都寫唔晒, 大家最好抄底呢串日文字, 上車時叫司機提你落車吧. 由市區過黎車程約20分鐘.
真係影極都影唔晒, 車費好似係￥470. 講完落車講上車點喇. 以上幾部巴士當然一定經過旭橋站旁邊既百搭 "那霸巴士總站" 啦, 而中途站包括國際通旁邊既 "県庁北口" 同赤嶺站.
上圖左手邊係國際通入口大家都知啦, 右手邊就係 県庁北口 巴士站, 我寫明方向比大家架喇, 行車方向係由左向右行 (即係要過對面馬路等車), 唔好上錯方向呀.
上面幾張相係那霸巴士總站, 不過由於行車方向關係, 大家記住唔好入去總站, 而係要行天橋去對面馬路等車!
順手影左個時間表比大家參考, 一般黎講一個鐘頭有三至四班車, 唔算等好耐既.
最後到赤嶺站, 利用近酒店既出口落到地面就會見到巴士站的. (單軌站內有指示寫明去OUTLET巴士既方向的).
自駕遊指南
雖然呢度有幾個免費停車場, 但係筆者推介大家泊番Outlet平身個多層停車場. 因為佢係呢度唯一一個有蓋既停車場(多層嘛). 多位之餘又唔駛曬. 位置係Tomition商場正對面. GPS請入MAPCODE: "232544541*78"
(本文地圖以及街景相取材自GOOGLE地圖)
沒有留言:
張貼留言