台南 - 花園夜市 及 南方公園

(轉載自舊BLOG  - 24/04/2013)

台南真係唔知有邊度好去, 雖然我早前有位朋友去左台灣, 不過因為雙颱風既關係, 所以去唔到墾丁, 咁我個高雄司機就車左佢地去台南玩玩食食. 我朋友話台南好好玩喎. @@" 不過佢講黎講去都係睇山同睇水. =.=" 不過咁, 台南的確係有一個地方係好值得大家花時間去, 而筆者就係有一晚起高雄悶悶地, 就搭左幾個字台鐵去左台南既呢個地方 - 花園夜市.

我地又先睇個地圖先.

右下角就係台南火車站(係台鐵站), 台南高鐵站係好遠的. 記住係要搭台鐵. 而花園夜市就係起左上方, 唔遠的. 搭的士10分鐘左右就到. 大家又或者可以起火車站正門搭3號公車, 到 "特力屋" 站落車, 落左車之後行番轉頭幾分鐘就到.

花園夜市係全台灣最大既夜市, 所以非常易搵. 咁究竟有幾大? 佢有香港維園花市咁大!! 睇下下面張相你就知.

花園夜市有400幾個灘檔, 真係行一個晚上都未必行得晒. 而花園夜市係逢星期四, 六及日開市的. 記住喇!

達思怪獅背秀 (ThatsWhy Special)

當日我無聊由台南火車站行行下, 竟然比我見到個好得意既地方, 就係南方公園.

南方公園其實都唔算係一個公園, 佢得你見到呢張相個台咁大之嘛. 我覺得呢度叫露天食肆就更貼切, 起個台後面你會見到有好多賣衫, 賣精品既店鋪. 而我身處露天呢個位置就有好幾間食肆. 呢度唔係好大, 行個圈, 食下小食, 半個鐘點都行得晒. 不過由於呢度距離台南火車站只係5-10分鐘步程. 加上又係起新光三越同時尚流行館對面. 所以如果你原本都諗住行商場既話, 就順路過黎行下喇.

(本文地圖取材自谷歌地圖)