2016年6月18日 星期六

墾丁篇之 - 船帆石, 鵝鑾鼻, 風吹砂

今集,我地再由墾丁大街出發,往南行約3公里路(即係荃灣至深井既距離)就會到達船帆石

墾丁篇之 - 墾丁大街


墾丁大街當然係墾丁篇既最重要一站。所有食肆,行街買野,搭車往返市區都集中晒起呢度。短短既一條墾丁大街,有超過一百間民宿你話利害唔利害?不過咁,呢度其實都幾似香港既廟街,一條街由頭行到尾,兩旁就係攤檔,所以唔會迷路的。好啦,睇少少相再講吧!


當你搭左幾個鐘頭車,而你又見到上圖呢間麥當勞之後,就表示你已經進入左墾丁大街了。而喺高雄坐的士或公車既你,就會喺呢間麥當勞對面(即係筆者企喺度影相既地方)落車,呢度係一間7-11來的。當然,呢度只係墾丁大街既入口,視乎你間民宿既位置,你可以再搭多一至兩個站。不過,墾丁只有呢一間麥當勞。 所以你認住呢間麥當勞,同人溝通同求救就實無死。

墾丁篇之 - 後壁湖 (半浮潛船睇珊瑚, 墾丁核電廠)


上次講完恒春之後,我地又再向南出發。喺未到達墾丁大街之前,呢個中途站你一定要去,因為呢度有香港無得玩既野玩,亦都有超平魚生食!呢度就係後壁湖喇!

墾丁篇之 - 恒春鎮, 出火


終於開始我地墾丁篇既第一集,恒春喇。不過喺開始講恒春之前我想同大家介紹一個由當地人整既旅遊網站先,就係悠遊墾丁了(http://www.uukt.idv.tw)。悠遊墾丁最重要既地方就係網主好用心咁整左個地圖,將墾丁細分左做幾個部份咁去介紹。佢個地圖仲詳細到連墾丁既百幾間民宿、食肆同海角七號既景點都一一列晒出黎。去墾丁既朋友,記得去悠遊墾丁個網度PRINT番張地圖出黎旁身呀!

從上面呢張地圖中,你就可以睇到墾丁半島就係咁既樣架喇。而今集就係講中間靠左的恒春鎮,在恒春的最左手邊近海的地方就係海生館,再落少少既就會見到貓鼻頭後壁湖。再睇番恒春鎮既右手邊少少既地方,就係今集會介紹既出火了。而地圖入面,地方同地方之間既數字就係距離,1即係1公里咁解,方便大家估算所需時間同埋方便租車既朋友知道要用幾多油同電。準備好就出發喇!

墾丁 - 旅遊簡介 及 交通指南

終於黎到墾丁篇,第一集會介紹大家點樣去墾丁先,因為其實好多人都好熟墾丁架喇。之後幾篇文章,我會深入墾丁既唔同景點,教大家食得好玩得好。

墾丁係台灣既最南部。呢度無高樓,無繁華既街道,兼好鬼死遠(離高雄兩個半小時車程),仲有個未爆炸既核電廠添。不過,自從N年前既一套“海角七號"同埋一年一度既墾丁春吶之後,墾丁就出名起黎。

香港人成日話“去墾丁”,其實筆者覺得係一個統稱。事實上淨係計墾丁呢個地方已經包含左好多景點,包括鵝鑾鼻風吹砂等。再加埋周邊既小城,應該有荃灣到屯門咁大範圍.
我地睇下地圖先:

2016年6月7日 星期二

阿里山

(轉載自舊BLOG - 18/07/2012)
喺台中同台南之間, 有一個好出名既縣, 就係嘉義縣. 而一般香港人去得嘉義縣既原因就只得一個, 就係上阿里山!!!



平時我會將乘車指南放起最後先寫, 不過阿里山特別啲, 唔寫清楚比你睇, 你就唔知點決定去定唔去. 如果你問我覺得阿里山值唔值得去? 我會答你, 去到你會覺得無乜特別, 但係一生人總要去一次. 原因係, 阿里山不是遊樂場, 無機動遊戲玩, 無乜特別既景點比你睇, 搭公車上去要接近三小時, 上面又大風又凍. 不過, 阿里山既特別, 就係特別在佢無野玩, 好似無野睇. 只要你睇完我呢篇介紹之後你就會明白, 一草一木皆非必然! 上山吧! 

台中夜市 - 逢甲夜市 及 一中街商圈

(轉載自舊BLOG - 12/04/2013)
好快就講完台北, 再向南進發. (事實上睇開我BLOG既都知我少去台北, ). 今次帶大家去一個好出名既夜市, 就係台中既逢甲夜市. 不過咁, 台中除左逢甲夜市之外, 其實仲有條一中街好多睇, 好多野買, 同好多野食的. 點樣去台中我諗大家應該識啦, 所以今集會由台中台鐵站開始講起.



台中台鐵站既正門口, 一如大部份既台鐵站一樣, 門口就有個川流不息既巴士站. 喺呢度你隨便搭一部有寫住 "經一中街", 或者 "經中友百貨" 既巴士就可以. 事實上我一向都無理究竟係幾多號巴士, 因為好多架都經, 而且次次都唔駛等已經有巴士搭. (有一次我仲搭中部免費既巴士添).

事實上一中街係喺國立台中科技大學既對面 (見上面地圖), 但係一般當地人會以一中街或者中友百貨黎做路標的. 由台中火車站去一中街約10分鐘車程. 一中街係一條好典型既女人街, 有好多衫, 飾物同埋小食買. 講就不如睇相啦.


2016年6月6日 星期一

台中特色餐廳 - 古典玫瑰園

今集特別小小, 唔係介紹地方, 而係介紹餐廳. 雖然台北篇既時候都介紹過不能說的秘密餐廳. 但係嗰度係起101大廈附近, 所以順手介紹埋. 今次係專登開一個TOPIC黎講. 另外就係, 睇開呢個BLOG既都知我係參加 "慳儉旅遊" 架啦. 唔明唔緊要, 睇相先啦.




古典玫瑰園 台中創始店
地址:台中縣龍井鄉藝術街395~11
電話:04-26321212

2016年6月5日 星期日

台南 - 花園夜市 及 南方公園

(轉載自舊BLOG  - 24/04/2013)

台南真係唔知有邊度好去, 雖然我早前有位朋友去左台灣, 不過因為雙颱風既關係, 所以去唔到墾丁, 咁我個高雄司機就車左佢地去台南玩玩食食. 我朋友話台南好好玩喎. @@" 不過佢講黎講去都係睇山同睇水. =.=" 不過咁, 台南的確係有一個地方係好值得大家花時間去, 而筆者就係有一晚起高雄悶悶地, 就搭左幾個字台鐵去左台南既呢個地方 - 花園夜市.



我地又先睇個地圖先.


沖繩篇 - 牧志公設市場


每一位去日本既遊客,都一定會試下當地既魚市場,就好似東京既築地、大阪既黑門市場等等,而沖繩既魚市場就係牧志公設市場喇。不過如果你真係跟住旅遊書咁去揀海鮮既話,比人劏都似。唔想比人呃就要留意本篇內容。

想去牧志公設市場,就要搭單軌火車,牧志站出就係,一出閘就有中文指示牌。



沖繩篇 - 國際通 (15年8月更新)

上文單軌電車線編教左大家點樣搭車去國際通, 即係去県庁前駅落車出左閘之後轉右, 就會見到下面呢個大商場 - RYU BO.



而筆者身處既地方就係國際通既入口, 即係下面呢張相. 真係寫明國際通入口架!



沖繩篇 - 琉家黑蒜麵


今日帶大家去拉麵,呢間位於沖繩國際通內一條唔起眼既橫街,但係又好出名既拉麵店主打黑蒜麵。價錢仲要唔貴的,大家可以試下,好食架!


沖繩篇 - Steak House 88 石坦牛扒房


今集帶大家黎國際通食石坦牛,上圖呢間扒房叫Steak House 88。淨係國際通入面都有三四間分店。而筆者今次去食呢間位於國際通既中間點咁滯,Lawson樓上就係,地方亦比較大。

最奇怪既係,香港既旅遊書無乜介紹呢間鋪的,但係當地既旅遊書就圖文並茂咁介紹呢間餐廳。其實Steak House 88係一間超過30年歷史既老鋪。除左石坦牛之外,仲有17種美式牛排同埋全國只得佢呢個集團有既沖繩縣產和牛。於是筆者就帶住半信半疑既心情入去。

沖繩篇 - DFS / Naha Main Place

今日帶大家沖繩既新都心,呢度除左有全日本唯一一間設於機場禁區以外既Duty Free門市之外,仲有當地人好鍾意ShoppingNaha Main Place商場同埋樂市。前往既方法好簡單,搭單軌火車就可以。

落車站叫おもろまち駅,呢個站係全條沖繩單軌唯一一個無中文名既站,所以好易認。如果由國際通(県庁前駅)出發計,搭四個站就到,10分鐘都唔駛。


沖繩篇 – 首里(首里城/知念製菓)

今日帶大家去首里,一般人去首里主要都係去首里城。去首里城既方法好簡單,先搭沖繩單軌火車去到首里站,喺單軌站下面個巴士站,搭1、8、14及46號巴士約5分鐘車程就到。基本上經過首里城既巴士都會喺車頭貼左張紙寫明經首里城方便乘客的(除8號巴士喺首里城前落車之外,其餘巴士喺首里城公園入口落車,當中以首里城前站最近首里城公園)。唔等巴士的話,步行都只係15分鐘。詳情如下:




好喇,首里城留番比讀者大家去探究,教完搭車就算喇。今日其實筆者係想帶大家去食和菓子。

沖繩篇 - 美國村



美國村係由幾個大型既商場所組成既一個地方,(P字係停車場咁解,全部都係免費的。沖繩玩自駕的話係非常方便的。)右手邊軍病院前巴士站係你落車既地點,一行入去,有間超大既Aeon Mall,跟住旁邊就係著名既摩天輪Carnival ParkDragon Palace以及American Depot。我地去左Aeon Mall先啦。



落左車之後,向車尾方向行然後轉右,行10分鐘左右就會到Aeon Mall。途中你會經過下面呢個地標A。



咁就代表你行岩路架喇,繼續行既話眼前就係Aeon,旁邊就係大型停車場。




沖繩篇 - 美麗海水族館


每一位去過美麗海水族館既人都一定會同你講,去沖繩一定要去。因為呢度有全球第三大既水槽,單單睇上面呢張相就可以感受到呢個有四層樓高既水槽有幾咁誇張,海洋公園根本無得比。不過,每一位第一次去水族館既朋友都會有同一個煩惱,就係應該點搭車?需要預幾耐時間?附件既海洋博公園又近唔近?一日來回趕唔趕得切?

筆者準備左90張相,為大家解答以上所有問題。首先睇下下面呢張地圖先。



從地圖中大家可以睇到一整個海洋博公園就係咁大的。而沖繩美麗海水族館只係佔成個公園既一小部份,而全個公園計,只係得海洋文化館熱帶夢幻中心同埋呢個水族館係需要收入場費的,當中當然係水族館收費最貴,不過去得既一定唔會慳架喇,其餘既海洋文化館同埋熱帶夢幻中心就睇各位既興趣了,去埋就唔可能即日來回架喇。

2016年6月2日 星期四

沖繩篇 - 小祿AEON MALL

好多人去沖繩都鍾意行AEON, 原因係沖繩既AEON除左大家平時去開香港嗰種百貨公司連超級市場之外. 仲係一個大型商場, 好多衫褲鞋襪同精品既鋪頭都有. 就好似筆者去親沖繩每晚返酒店前都會去既呢間AEON, 入面有全沖繩最近市區既UNIQLO, 仲有龍貓專門店同Village Vanguard, 不知幾好行. 今次唔駛睇地圖喇掛? 搭單軌火車黎到小祿站就會見到下面呢座建築物, 就係AEON MALL.
一出閘, 沿住天橋行過去就到, 我地行左商場先, 之後再行超市.


呢度樓高三層, 地下(即日本叫1/F)係超市同埋Food Court, 好多學生鍾意黎呢度食野的, 地方夠晒大, 可以一試. 2/F係時裝層, UNIQLOABC MART等既牌子都集中喺呢一層, 3/F就係電器部.

2016年6月1日 星期三

沖繩篇 - 串角 (串燒放題)

今日帶大家去一間當地好出名既餐廳食串燒放題. 呢間餐廳叫 "串角", 喺沖繩有九間分店, 其實佢除左串燒之外, 仲有得飲啤酒同食壽司等日本食物. 不過一心去到, 當然串燒係主角, 加上仲可以揀放題定散叫逐串比錢添, 就更加會揀放題. (不過下次再去, 我就會揀逐串比錢喇) 睇左下面相先再講啦.



今次介紹呢間鋪位於旭橋站附近, 旭橋站旁邊就係那霸巴士總站. 所以大家由美國村等等地方搭長途巴士返到出黎, 食野串角先返酒店係好順路的!! 而營業時間係傍晚17:30至第二朝05:00!!



痩せません