今日帶大家去江之島，江之島係一個距離東京一小時車程既一個島。如果用香港地方黎形容既話我會用大嶼山黎形容，因為同樣係舊舊地，又有廟又有大佛。台灣既朋友多數會用十分（台灣新北市既一個地方）黎形容江之島，因為同樣係坐小火車穿梭古舊既村落。其實筆者好多年前已經去過江之島，不過近年呢個地方連旅遊書都唔再介紹，加上早前旅行又無影太多相，所以一直都無為大家介紹，一直到去年杜如風小姐既電視節目介紹之後，突然多左網友問。於是我就再次踏足呢個地方。
表面上，江之島只係地圖左下方既一個小島，島上面有一個重要景點江島神社。事實上，由地圖左上方既藤澤開始一直到右手邊既鎌倉，都係今次既行程。要遊覽江之島既話，要花一整天時間，大約係九至十時黎到，玩到五六點走就岩岩好。而遊覽既次序，一般都係由左至右咁玩落去，而呢個亦都係今日所介紹既行程。
上次介紹過大家去吉祥寺, 今日搭幾個站過黎行埋高円寺 (中文一般用 高圓寺). 高圓寺係一個住宅區, 所以無乜好特別既野行, 不過偏偏就係呢樣特別, 特別傳統. 如果有人想感受下地道日本人生活既話, 高圓寺算係一個離市區唔太遠既一個好選擇.
由新宿或秋葉原等地出發, 搭黃色既中央總武線, 幾分鐘就到達高圓寺. (提提大家, 雖然JR寫住中央線快速都有停高圓寺站, 但係只會在繁忙時間停, 其餘時間都係飛站的, 所以都係乖乖地搭中央總武線吧).
今日唔需要搭新幹線, 又唔駛趕頭趕命. 筆者帶大家去一個可以比你悠悠閒閒咁過一個下午既地方, 就係東京市內既吉祥寺喇.
無論你係由東京定新宿出發都好, 都係搭JR中央線(快速), 只需11分鐘就黎到吉祥寺.
上回講到, 離開左日光之後, 搭JR日光線就可以黎到餃子之都 - 宇都宮喇. 由於筆者黎呢度既目的只係為左一嘗地道餃子既滋味, 所以今集只會介紹宇都宮站既周邊, 唔會去睇寺院等既景點. 我地又睇下地圖先:
日光, 係近年港人常去既新旅遊點. 加上日光市大力宣傳, 仲話日光係日本之光咁話. 所以筆者都專程入黎睇下. 一般黎講, 要由東京市前往日光/鬼怒川溫川的話, 就要由淺草搭東武線直達鬼怒川溫泉站(特急班次車程約127分鐘), 又或者從淺草搭東武線經栃木站轉東武日光線前往東武日光站(特急班次連轉車車程約150分鐘). 不過其實, 只要你有JR EAST PASS的話, 除左可以任坐JR線之外, 仲可以搭一條非JR路線的. 就係下面呢條Spacia 鬼怒川號, 由新宿直達鬼怒川溫泉站(只有特急車, 車程約127分鐘).
舒舒服服, 坐左兩個鐘頭, 就黎到鬼怒川溫川站喇. 鬼怒川話晒係溫泉之鄉, 一出站就有免費溫泉比你浸下腳.
今日去遠少少，帶大家去近年好多香港人去既輕井澤。由東京搭新幹線過黎約一小時十分鐘車程。（搭得新幹線當然要買ＰＡＳＳ，否則單程車費已經要５３９０円）另外提提大家，輕井澤呢度係高原地區，亦係日本人既避暑山莊，所以就算東京幾熱都好，黎到呢度都總會覺得陣陣涼，記得帶定件風褸黎。
聖誕快樂!! 其實2014年筆者已經寫左台場. 今日再寫既原因係, 上次我去既時候係夜晚, 豐田城入面好多好玩既野都收晒. 二黎, 杜如風小姐早前個電視旅遊節目介紹左東雲汔車超級市場, 所以筆者就專登去睇下, 順手教下大家點樣搭車去. 依傢先去豐田城玩下先!
