Greater Tokyo Pass 東京地鐵三天通票

由2018年4月1日開始, 東京地鐵 (組織) 推出全新三天任搭通票, 叫 Greater Tokyo Pass (暫無中文釋名). 售價就非常平, 只需¥7,200 (約HK$514). 究竟抵唔抵? 買佢定買JR EAST既三天通票好? 下文分解.

Greater Tokyo Pass

呢張通票係由東京都內12間鐵路公路以及52間巴士公司共同推出既關係, 所以呢一張飛係可以任搭呢12間鐵路公司東京都內既路線以及52間巴士公司既路線. 官方提供左下面既圖比大家參考.

唔係我既問題, 呢張已經係原圖, 佢真係咁濛. 簡單講, 佢西南方向可以去到江之島, 箱根等地; 向北行可以去到日光, 鬼怒川; 而向東行當然可以去到成田機場啦.

就咁睇地方黎講, 五百幾蚊港紙可以去晒呢啲旅遊點算係唔錯. 不過, 最大問題係, 呢張通票係唔包特急班次附加費的, 即是話, 如果你想搭京城機場特急(Skyliner), 小田急既浪漫特快, 以及去日光 / 鬼怒川既Spacia 鬼怒川號的話, 你係需要另外比特急附加費的, 一般黎講每人要加¥1,000左右. 係咪開始聞到一陣陣伏味? 比個官網你地睇住先, 下面我地用JR EAST PASS黎做個比較.

https://www.kotsu.metro.tokyo.jp/pickup_information/news/subway/2018/sub_p_201803017806_h.html

JR東京廣域周遊券

我用同樣係三天任搭既JR東京廣域周遊券黎做個比較. 呢張通票收費係¥10,000 (約HK$735). 係就係貴啲, 不過呢張通票唔單止可以任坐JR東日本範圍既鐵路, 仲可以坐成田特快 (N'EX), 特急班次甚至係新幹線添!

即是話你想去輕井沢咁遠都無問題, Greater Tokyo Pass就做唔到喇. 而JR東京廣域周遊券可以使用既範圍如下:

跟住, 我做左下面一個小小既比較.

通票 \ 目的地 北千住去日光    東京去小田原 Greater Tokyo Pass 車程: 2小時28分 / 或 1小時39分 (加¥1,440特急費用)    車程: 1小時53分 JR東京廣域周遊券 車程: 1小時39分     車程: 58分

由於Greater Tokyo Pass無得搭特急車既關係, 車程黎講一定耐左. 但係如果你肯加錢坐特急的話, 咁不如直接買JR東京廣域周遊券啦.

總結: 去得旅行, 時間就係金錢. 當然車程越短越好, 即係買JR東京廣域周遊券化算啦. 但係如果你真係一心諗住平既話, 來回機場坐N'EX來回優惠, 另外市區用一日至兩日既地鐵任搭通票咪得囉. 講真, 搭地鐵要搭幾多程先搭到¥2,400一日? 即是話, 如果你淨係東京市內觀光的話, 要你三日內搭¥7,200都幾難.