一般黎講, 旅客會經難波/心齋橋/梅田站搭地鐵去到千里中央站, 落車轉單軌火車去萬博的. 不過由於筆者係住長堀橋(心齋橋篇時介紹既Best Western Hotel) 既關係, 所以筆者直接由長堀橋搭直通運轉既地下鐵直達山田站, 再轉單軌火車去萬博. 車程30分鐘. 不過要提醒大家, 地下鐵一日/兩日PASS係唔包山田或者千里中央站的. 所以要另外比錢......
一場黎到山田站, 不如又介紹下, 落左車之後會經過上圖呢個商場, 入面有AEON, 頂層有玩具反斗城, 有時間既可以留一留行下, 無既沿指示牌去Monorail Yamata Station(即山田單軌火車站)就可以.
去到單軌火車站, 就好似去左沖繩咁. 大家由上面個車站牌可以睇到, 千里中央下個站就係山田, 山田下個站就係萬博, 非常近.
萬博站大堂有一排扭蛋機, 仲有好多位坐, 不過無野食架喎, 最多買汔水機.
萬博紀念公園
單軌站既出口得一個, 寫到明係去萬博的, 一定唔會錯. 行15分鐘左右就會去到正門.
每人Y$250, 一入去到, 都係為左影座太陽塔. =.="
呢度好細心咁安排埋個台比你放相機, 自拍不求人, 角度又正中.
側面同背面應該無乜人見過.
話晒都叫公園, 仲有小朋友玩既地方既. 另外呢度仲有水上單車踩, 不過筆者唔花時間了, 影完相即走. 依傢帶大家去千里中央站, 教大家轉車去市區.
千里中央
千里中央站落車, 沿住 "北大阪急行" 既指示行, 就會去左一個大商場.
上圖呢件士多啤梨雪米池好出名架喎, 我老婆豬買左一大盒返酒店. 店員會用冰袋幫你裝好的.
商場對面呢座叫健康文化教室, 咁即係乜? 保健中心? 好喇, 行完想搭車走, 車站就起商場地底二層.
落左大堂之後, 好似去左台灣搭捷運咁, 下層係月台, 上層兩邊全部都係食肆, 你想食完先走都得. 呢度搭地下鐵可以直達梅田/ 心齋橋同難波. 安排行程時可以一併半日半日咁行.
沒有留言:
張貼留言