近期好多旅遊雜誌同旅遊節目都介紹大阪城, 原因係原來大阪城重修完終於重開. 今年九月筆者去既時候, 明明可以比錢入去架喎@@" 唔通當時未開晒? 唔緊要啦, 今集簡單好多, 淨係教大家搭車, 其餘既睇相就清楚晒.
去大阪城, 要搭地下鐵, 去森之宮站. 3B出口就係架喇!
跟住你會經過一個遊樂場, 仲見到呢隻唔知咩野黎, 跟住行一條長樓梯, 再行一條長命斜, 就到架喇.
入去大阪城之前, 會經過一座神社, 你想入去行個圈或者直接上大阪城都得, 下圖係神寺既周圍.
過左座神社, 可以入大阪城喇.
見到呢間大阪市博物館, 就知道你已經上到黎山頂喇.
上到黎山頂, 有野食仲有攤位遊戲玩. 隻飛錶真架, 唔輕身的, 有人會教你玩架喇, 你仲可以買番隻新既留念添. 遊戲好似每次￥500.
另外, 想入大阪城內部既話係要比入場費的, 每人￥600. 我就無比錢入去喇. 走既時候可以去另一個地鐵站谷町四丁目站行, 不過當然遠好多啦, 要行15分鐘架.
沿途會經過大阪歷史博物館同NHK. 再一路行一路行, 行到傻先到地鐵站. =.=" 都係去番森之宮近好多.
沒有留言:
張貼留言