2014年2月23日 星期日

東京灣 - 海之螢火蟲

平時大家睇日本片, 總係會見到東京灣上面有條橋, 去到一半就斷開左. 而斷開左呢個地方就係今集既主角 - 海之螢火蟲(Umihotaru) .


前往海之螢火蟲既方法, 就係先去上一集介紹過既川崎搭巴士前往, 車程約40分鐘. 由JR川崎站, 東口出, 就會有一個大巴士總站, 不過部巴士不在巴士總站內, 而係要行過對面, 22號月台. (詳情請睇番上一集川崎篇)


搭前往 "木更津" 既巴士, 車費係¥1050. 但係記住, 只有指定時間內既巴士先去到海之螢火蟲. 閒日就由上午9時至下午5時22分之間. 而星期六日會好一點, 由上午9時至晚上7時52分都有車, 班次係約30-60分鐘一班.


川崎 - 電腦九龍城(鬼屋)

返到黎香港最想同大家介紹既就係今集既主題 - 川崎. 川崎呢個地方, 我睇過好多旅遊書都無提過, 而我如果唔係想去電腦九龍城(鬼屋)都唔會去. 但係去到之後周圍行下, 發覺又幾多野行架喎. 特別係川崎距離橫濱只需7分鐘車程, 之前好多讀者問我去完橫濱之後附近有咩好行, 今次終於有答案了. 點去川崎最尾先講, 先睇下川崎周邊既地圖先.


川崎唔係大得好緊要, 我諗兩三個鐘都足夠你行晒, 如果你想留低食埋飯既就預半日啦. 地圖中, 橙色線, 紅色線, 粉紅色線同埋黃色線係步行街, 咩名都唔重要, 你去到就會行得晒架喇. 而地圖最高白色字既就係筆者既目的地 - 電腦九龍城(鬼屋), 本文最後會介紹, 依傢行下街先啦.




2014年2月6日 星期四

都電荒川線

都電荒川線為東京都內僅存的公營路面電車路線,與隸屬私鐵的東急世田谷線並列為東京僅有兩條仍在營運的路面電車路線。 < 轉載自維基百科.

今集擺明係比鐵路迷睇, 所以我都唔打咁多字喇. 睇相吧.




2014年2月1日 星期六

水道橋 (Dome City)

恭喜發財, 新年快樂, 身體健康. 大年初二帶大家去一個年青人好岩去既地方, 就係水道橋喇, 平時大家對水道橋既印象, 多數都係搞大型演唱會DOME體育館, 同埋有過山車穿過商場既機動遊機. 無錯, 這裏除左機動遊機出名之外, 仲有好多年青人喜歡既商店, 例如Jump Shop, Uniquo, 日本版既Village Vanguard.