台北兩大遊樂場 - 小人國 及 六福村

好喇, 今集講下好少香港人提既兩個旅遊點. 就係台北既兩大機動遊樂場: 小人國 同 六福村 喇.

六福村網站 - 筆者覺得似老翻迪迪尼, 至少隻公仔同佢隻手都似. 不過咁, 呢個係全台北最大亦係最刺激既機動遊樂場, 有跳樓機同過山車...... (詳情睇官網啦)

小人國網站 - 一個典型既小人國主題樂園!

今次調番轉, 先講交通後介紹樂園. 因為去得樂園都係玩架啦. 反而交通真係激死人, 旅遊書個地圖永遠都係錯既.

去呢兩個遊樂場, 都係搭同一部公車去. 路線係由松山機場 > 忠孝敦化捷運站 > 景安捷運站 > 龍潭總站 > 小人國 > 六福村. (回程則相反)

由於班次唔密, 加上車程要一個多小時. 所以筆者推介大家由 忠孝敦化捷運站上車, 以免無位坐.

忠孝敦化捷運站 (出口8), 過左條馬路就會見到公車站. 但係大家請睇清楚上面幅地圖 (可以按圖放大的) . 好多人以為出口8前面嗰個公車D就係公車站. 其實係錯的. 應該要過對面馬路先岩!!謹記!! 班次及價錢請參閱網站 >http://www.e-go.com.tw/cht/busline_2.php

由於我未去過六福村, 所以本文集中講小人國吧. 唔玩機動遊戲既我覺得小人國其實真係幾好玩. 特別係可以影好多相. 所以大家都係睇相啦. 

機動遊戲篇 - 有火車坐, 有船坐, 有假SPACE MOUNTAIN, 同埋濕身既船. =.="

以下相片你唔會再見到的. 因為由2012年開始, 多啦A夢主題樂園已經完結左. 身為一個叮噹迷, 我當年真係為左叮噹而去小人國玩的.

(本文部份相片取自台北捷運網站)