AEON MALL Okinawa Rycom 永旺夢樂城沖繩來客夢

繼續沖繩篇, 今日帶大家去全沖繩最大最新既AEON, 就係上圖呢間喺2015年開業既AEON MALL Okinwa Rycom喇 (中文釋名好鬼正, 叫 "永旺夢樂城沖繩來客夢", 好台灣Feel.).

去過日本既朋友都知道, 話就話係AEON, 但係其實佢係一個購物商場, 而呢個商場就大囉, 有成100間不種牌子既店子, 所以佢除左係最大既AEON之外, 亦係全沖繩最大既商場. 睇下下面既平面圖你就知有幾大.

沖繩燒肉店 - 焼肉もとぶ牧場

一般人去沖繩, 多數都會跟旅遊書去我那霸燒肉店. 但係我去得就梗係睇日本版既旅遊書, 搵牧場直送既燒肉店食啦. 牧場直送既好處係平靚正! 自己牛自己養. 不過呢間遠就遠左少少, 位於名護. 所以如果你係住名護又或者去完水族館回程時食埋先返那霸就岩岩好, 我地睇下地圖先.

沖繩菠蘿園

無論係讀者定係我朋友, 個個都問我點解去咁多次沖繩都無去過菠蘿園 (正名係: 名護鳳梨公園). (咁我真係唔係話好鍾意菠蘿嘛, 點會專登去?) 上集介紹左大家去森之玻璃館, 反正就喺菠蘿園附近, 好喇好喇, 為左呢個Blog, 就去影幾張相比大家睇下啦......

森之玻璃館

沖繩其中一樣出名既係琉璃 (即係玻璃啦), 所以燒玻璃呢個遊戲已經係每一個去沖繩既旅客必做既事. 沖繩呢度, 大大話話有十幾間私人經營既玻璃體驗館, 唔知揀邊間好既話, 跟我去呢間森之玻璃館啦.

國際通 之 屋台村

15年7月開始營業既屋台村, 係一個扮居酒屋路線既 "冬菇亭". 位置係沖繩國際通近牧志站既一條橫街, 如果你係由県廳前站嗰邊行過黎既話, 過左我上次介紹過既大電視商場停車場, 大約兩個街口就到.

名古屋 - 栄

上集介紹完大須新天地通, 今集黎到栄. 黎得名古屋就一定會黎栄呢度. 栄就好似香港既尖沙咀, 要名店有名店, 要百貨就三越, 仲有年青人行既商場, 同埋觀光塔. 要黎栄好容易, 都係搭地下鐵, 由名古屋站過黎只需兩個站.

名古屋 - 大須新天地通

東京, 大阪, 沖繩都去過晒喇, 今次去東京同大阪既中間 - 名古屋. 名古屋除左SKE48之外, 真係無乜特別既野, 就連名古屋既調查都話, 名古屋人都覺得名古屋好悶, 無野好行. 今日我就帶大家去名古屋既一條步行街 - 大須新天地通 度行下啦. 

沖繩結婚指南

2014年2月14日, 係我同我老婆喺沖繩結婚既大日子. 呢篇文章就係以真人SHOW既方式去話比大家知, 去沖繩結婚有咩要注意, 結完婚返到香港又要做啲乜, 點樣揀旅行社好? 

古宇利島

有睇尋晚巨輪II既朋友, 都會見到蕭正楠同陳凱琳喺一個好靚既島上面談情, 仲一齊敲戀人鐘添. 呢個咁靚既地方, 就係有戀之島之稱既古宇利島喇.

沖繩自駕遊

去年為大家介紹左點樣搭巴士遊沖繩, 今年我終於有車牌喇, 可以親身教大家沖繩自駕.

沖繩有幾間出名既租車公司, 包括OTS, Toyota或者Nissan自家租車. 當中, OTS係有免費穿梭巴士來往沖繩機場同埋租車公司的. 即係你一落機就可以即刻租車, 唔駛拎住行李轉黎轉去, 係幾方便既. 不過因為KKDAY有特價, 所以我今次租左上圖呢間Paradise Rent A Car. 仲正, 因為佢有專人舉牌接機, 連等穿梭巴士既時間都慳番.

Big City遠東巨城購物中心

今日特別少少, 去遠少少, 距離台北一個鐘頭火車程既新竹, 原因係參觀呢個曾經係全東南亞最大既商場 - Big City遠東巨城購物中心. 

要去Big City, 最方便既方法就係由新竹火車站出, 行過馬路去對面既太平洋SOGO. 呢度有免費穿梭巴士去Big City. 假日既班次最密係10分鐘一班, 平日就20-30分鐘一班. 上左車之後, 十令分鐘就到.

師大夜市

根據當地朋友所講, 因為管理問題, 曾經打贏士林夜市地位既師大夜市比以前細左一半, 唔去都罷. 但係唔親身行過又點可以知道呢? 今集既主角就係師大夜市, 我地由捷運站出發.

想去師大夜市, 就要搭捷運去台電大樓站, 沿出口3, 轉右入去就係.

台幣兌換邊度抵?

今集會同大家講下究竟邊度兌台幣抵. 兌日元我就介紹大家去中環既百年找換店啦. 咁兌台幣又應該去邊呢? 睇下下面呢兩個相比較下:

中友百貨

我呢個遊旅BLOG既台灣篇黎講, 墾丁既收視永遠都係最高既, 呢點都好正常. 因為墾丁的確好多背包客自己去又唔識搭車. 但係除左墾丁外, 第二高收視既竟然係台中既一中街同埋逢甲夜市. 點解台中咁多人睇既呢? 好啦, 既然係咁, 咁我就去埋一中街附近既一個地標 - 中友百貨.

台中高鐵站

出左閘之後, 去出口6, 就可以搭高鐵快捷公車去一中街.

記住係搭159號公車呀, 班次都算係咁, 20分鐘左右一班車, 但係車程都幾耐. 要45分鐘咁滯.

13號公車月台等車啦

由台中火車站去中友百貨 (一中街) 之前都介紹過喇, 搭公車就可以, 十幾分鐘就到. 所以今集教大家由台中高鐵站出發. 出左閘之後, 按照上面相片既指示, 搭159號公車就會到一中街.

士林夜市

好耐都無去台北, 今年再去, 士林夜市都搬埋 (其實都搬左幾年啦) 不過好彩, 今次係同當地人一齊去, 所以今集可以帶大家去由當地人介紹既兩間平靚正美食. 一間係鐵板燒, 一間係食雪花刨冰的! 不過, 我地行陣街先啦.

新既士林夜市同樣位於劍潭站 (地圖左手邊圖黃色區域就係). 主要由三條街組成, 包括基河路, 大東路同埋文林路. 當中基河路係遊戲區以及食堂; 大東路係行街買野既; 而文林路就比較雜啲, 小食同買衫既都有, 不過比較少人行. 大家由劍潭站既出口1出站就可以. 順帶提一提既係巴士站E就係去美麗華既免費穿梭巴士站.

下北沢

今日帶大家黎行下下北沢, (邊度黎?) 下北沢距離東京市好近, 由新宿過黎都係十拎分鐘. 下北沢係行街買衫既好地方黎架!! 如果你覺得澀谷太潮, 原宿太MK, 表參道太貴既話, 就梗要去日本學生妹好鍾意去既下北沢啦.

上圖可以睇到, 由新宿出發, 搭小田急電鉄 (即係之前教過大家去江之島同埋箱根既電車公司) 幾個站就到. 又或者由澀谷轉車過黎都一樣可以.

千葉公園 / 千葉倒吊火車

上集帶大家去左千葉既AEON MALL同埋幕張三井OUTLET, 今集繼續千葉既行程, 黎到千葉公園. 

不過咁, 其實千葉公園只係我黎千葉市既一個借口, 我真心想做既, 係搭下千葉市獨有既倒吊火車. 

金澤 (金沢)

今日帶大家去一個近年好多香港人去既地方，就係金沢喇。金沢位於北陸地方，係新瀉之外第二大既城市。不過如果計景點黎講就非常集中，一個圈就行晒。至於金沢有乜咁特別吸引到咁多香港人去呢？呢度有北陸小京都之稱，因為呢度好有藝術氣氛仲有個好出名既21世紀美術館，同埋有一條超過100年歷史既東茶屋街。而食野方面，可以去近江町市場食海鮮。仲有個攝影發燒友好鍾意去既日式花園兼六園。咁你話係咪好好玩呢？

由於金沢位於北陸地方，所以由東京出發一定要搭新幹線，單程車費係￥14120，車程約兩小時三十分鐘。所以當然係買PASS抵啲啦，由2016年4月1日起，JR推出左北陸拱型鐵路周遊券，連續七天任搭只需￥24000（日本國外販售計），呢個價錢已經包埋你坐N'EX來回市區同機場架喇，所以都叫買得過。

由大阪、京都出發，可以坐JR東海道本線既特急班次Thunderbird號直達金沢，車程約兩個半小時，單程車費係￥7130。呢段路亦都可以買上面講過既北陸拱型鐵路周遊券既，不過因為呢程車錢比較平，買唔買PASS就睇你會唔會去埋奈良、神戶同京都喇。

千葉 - AEON MALL / 幕張三井Outlet

一般香港人去千葉縣，唔係去迪士尼就係為左去上圖呢個幕張三井Outlet。所以呢個Outlet當然會講啦，不過今日特別少少，帶大家去AEON MALL行下先。大家都知香港康怡既AEON已經變左身，跟日本變成AEON STYLE。為左呢間鋪，筆者專登走左去千葉一趟，睇下日本既AEON STYLE係點既。首先由東京出發。

東京往千葉 (海濱幕張站)

去千葉方向既車, 一定要由東京出發架喇, 所以如果你係由JR山手線左手邊 (即新宿, 原宿, 池袋等) 出發既話, 就要搭JR中央線 (快速) 去左東京再轉車. 上圖可以見到, 大家係要搭JR京葉線先可以去到海濱幕張站的, 各停既車程約38分鐘, 有快速既話搭快速吧, 車程約30分鐘. 而我喇喎, 由於有PASS既關係, 梗係用黎搭特急啦 (唔駛加錢架嘛, 用盡佢!!) 24分鐘就到.