我成日都話我係高雄人, 所以總有啲高雄既小知識送比大家啦, 今日講兩樣, 一樣係飲品, 一樣係交通.
高雄推介之一 "古早味紅茶"
拿, 台北出名既野食就有阿給同鐡蛋啦, 台中就有珍珠奶茶丫, 咁高雄有咩出名呢? 吳寶春麵包? No. 答案係 "古早味紅茶". 喺高雄, 你地平時行街見到既街邊飲料檔口, 記住唔好再叫珍珠奶茶喇, 試下叫杯紅茶啦. 高雄既紅茶係用傳統方法同茶葉製造, 所以味道同你平時香港飲既西式紅茶有極大不同. 當地人叫呢種茶做 "古早味紅茶" (其實你叫紅茶即係古早味架喇). 呢杯紅茶有咩咁好飲呢. 首先, 佢無珍珠奶茶咁甜, 無奶丫嘛, 但係又無烏龍茶果種苦苦地既感覺. 呢杯紅茶有種早藥既味道, 飲落有極有茶味之餘仲有D甘甘地既感覺. NT$30 一杯, 一場黎到就記住試下喇!
