今集黎到中央公園站，中央公園站其實有兩大景點。一個顧名思義係中央公園啦， 入面有一個叫做城市光廊既地方，如果你夜晚黎到既話就會影到高雄市為大家製作既光影藝術，但當然，我用傻瓜相機就影唔到了。下次黎到而又喜歡影相既你記得帶部單反黎影喇。
第二個景點就係女士們最愛去既 新堀江商圈 喇！呢個商圈有啲似香港既女人街，有好多靚衫靚鞋買，同上次介紹高雄車站附近嗰兩個商圈唔同，呢度買既野YOUNG好多！！
中央公園站
出口２一出就係，唔明就睇埋下面既地圖
由中央公園站出黎，左轉入麥當勞既方向, 你就會見到其實新堀江商圈, 係由原宿玉竹商圈同新堀江商圈兩個商圈組成的。總之你是但揀一邊行入去之後橫橫直直行晒佢就岩架喇，我估一般女士要行兩個鐘左右啦，男朋友去麥當勞坐吧。而當時我就去左中央公園度租單車，一路踩到去西子灣。（下一兩篇文章會介紹到架喇）
新堀江商圈
呢度開門時間大約係下午二時左右，太早黎係摸門釘的。以前黎呢度既女仕們多數都會去Etude House掃貨，不過依傢香港都有分店喇，吸引力又會細左啲既。但係高雄入面，除左夜市之外，都無乜行“街”既地方。有時間既，點都會過黎行下既。
(本文地圖取材自高雄捷運網站)
沒有留言:
張貼留言