台北 淡水, 漁人碼頭, 情人橋

繼續台北既行程, 今日我地會黎到捷運淡水線既總站 - 淡水站. 帶大家行下老街, 睇下情人橋, 同食下淡水最地道既特式野食.

又睇下地圖先. (可按圖放大)

淡水站得兩個出口, 出口1就係去老街既, 老街即係公明街同中正路. 你一出站見到下面嗰間Starbucks就岩架喇. 出口2就係公車站. 想去漁人碼頭的話可以直接喺呢度搭 紅26 公車. 又或者喺老街最尾既藍色公路度搭船都得. 下面再詳細講.

淡水捷運站出口1

Starbucks, 左手邊嗰條街就係公明街

公明街內

喺呢度停一停先, 因為要介紹下淡水既其中一種特產, 就係 - 鐵蛋. 鐵蛋你喺香港既AEON (前JUSCO)都可以買到. 當然去到實地梗係要親身試下啦, 味道如何? 我相都無影過, 咁你話呢.....(下刪一百字, 哈哈哈)

有NaRaya, 不過唔知依傢執左未. 另外下面嗰幅寫住 "阿給" 又係咩黎既呢? 下面再講, 去左漁人碼頭先.

搭船去漁人碼頭, 需時約15分鐘. 船費 NT$60. (營運時間係平日中午12時至6時或7時; 假日上午十時至晚上7時) 印象中單車都可以帶上船的. 打算喺淡水租單車踩既網友可以問左先. 食野方面, 淡水會比較多選擇. 漁人碼頭得幾間小食亭.....

情人橋

去到漁人碼頭, 最吸引人既就係呢座 "情人橋" 喇. (請原諒我無帶腳架去, 所以曝光手震) 可是當你白天黎既時候, 其實條橋真係好白好靚. 行上去隨手影幾張相都係靚既.

上面可以睇到, 小食亭既樣, 另外, 又開估咩叫 "阿給" 了. 阿給係淡水另一特產, 喺上面第2張相睇到嗰碗就係阿給喇. 個湯就辣辣地既, 啖開左之後入面其實係粉絲來的. 好唔好食就真係......(再下刪一百字). 而第三樣淡水既特產呢就係黑糖薑母茶了. 不過我無買所以無影相, 下次去既朋友可以留意下.

上圖就係喺情人橋上面望番落黎既相片, 右手邊我加左小食店既位置. 你可以見到小食店上層係一條好長既行人天橋. 而相既左手邊你會見到公車站.

說實話, 回程黎講, 筆者覺得搭公車仲好, 因為淡水既公車總站就喺正捷運站門口, 公車又平過船. 同埋其實夜晚搭公車唔多人, 同搭船差唔多時間就可以出到淡水. 最重要既一點係, 公車服務時間係: 05:40 - 24:40 (班次係 3- 20分鐘一班). 服務時間長過船架!!

淡水至漁人碼頭渡輪網 >
http://www.shuf168.com.tw/price01.php

紅26公車網址 >
http://e-bus.tpc.gov.tw/NTPCRoute/Tw/ManualRouteMap?rid=5121

(本文部份相片最自台北捷運及Google地圖)