睇新聞以為港珠澳大橋好多人? 因為佢地無攻略啫. 今集我就帶大家喺港珠澳大樓開通後第三個星期六黎個港珠澳大橋半自駕遊. (半自駕遊呢個名係泊好先改既)
先解釋下咩係半自駕遊先, 即係你將部車泊喺香港口岸既停車場, 過咗關之後搭金巴 (過境穿梭巴士) 過橋去澳門就係半自駕遊喇. 咁全自駕遊呢? 就係直接揸部車去過關, 揸埋上橋直接去澳門.....既口岸停車場. 無錯!! 暫時係無得自駕去澳門市內的, 最遠你只可以去到澳門口岸停車場停泊. 為左可以揸自己部車過橋, 你要去運輸署申請通行證, 仲要買埋國內同澳門既汔車保險, 再比埋橋錢....你真係會玩全自駕?
好喇, 出發!!
