2018年12月11日 星期二

曼谷親子篇 - The Mall Bangkapi


第一次寫泰國, 肴望大家鍾意.  今日我地唔去日本, 唔去台灣, 去泰國黎個親子遊. 不過, 唔係搭車亦唔係搭BTS, 係搭船.  咁先夠特別丫嘛. 介紹下今集既目的地先, 最後先教你搭船.

2018年11月12日 星期一

港珠澳大橋半自駕遊


睇新聞以為港珠澳大橋好多人? 因為佢地無攻略啫. 今集我就帶大家喺港珠澳大樓開通後第三個星期六黎個港珠澳大橋半自駕遊. (半自駕遊呢個名係泊好先改既)

先解釋下咩係半自駕遊先, 即係你將部車泊喺香港口岸既停車場, 過咗關之後搭金巴 (過境穿梭巴士) 過橋去澳門就係半自駕遊喇. 咁全自駕遊呢? 就係直接揸部車去過關, 揸埋上橋直接去澳門.....既口岸停車場. 無錯!! 暫時係無得自駕去澳門市內的, 最遠你只可以去到澳門口岸停車場停泊. 為左可以揸自己部車過橋, 你要去運輸署申請通行證, 仲要買埋國內同澳門既汔車保險, 再比埋橋錢....你真係會玩全自駕?

好喇, 出發!! 

港珠澳大橋 > 離境篇 (往澳門)


2018年10月16日 星期二

長崎篇 - 稻佐山


黎到長崎篇既最後一章, 梗係要介紹下世界三大夜景之一既稻佐山啦. 另外兩大喺邊度? 一個係摩納哥, 另一個係香港!!! 勁呢!!!


不過, 可能你會聽過香港既夜景就叫百萬夜景, 而稻佐山既夜景就叫千萬夜景. 竟然貴得過香港? 有咩咁巴閉? 一齊黎睇下.


2018年10月9日 星期二

長崎篇 - 大浦天主堂 / 哥拉巴園 / 舊香港上海匯豐銀行


上集就係文青之旅, 今集就帶大家黎長崎搵西洋特式. 首先第一站就係上圖呢間熟口熟面既建築物, 估唔估到係乜?

2018年9月4日 星期二

長崎篇 - 眼鏡橋 / 長崎龍馬之路 / 銀座通 / 新地中華街


之前介紹過出島長崎原爆既歷史旅程之後, 今日就到文青之旅.  雖然主題寫咗 4 個地方, 但係呢 4 個地方係可以串埋半日行得晒.  



先教下大家點行先, 留意 38號站公會堂前 (新站名: 市民會館), 一落車沿市民會館行就會見到條河, 行幾分鐘就見到眼鏡橋, 然後沿 33號站觀光通リ就可以穿過去新地中華街. 咁就係今日既行程喇, 我地先由長崎著名影相熱點 - 眼鏡橋 開始講.

2018年8月23日 星期四

長崎篇 - 平和公園 / 長崎原爆資料館 / 摩天輪商場


1945年8月9日, 美國向長崎投下一枚原子彈, 呢一枚原子彈, 係人類戰爭歷史上最後一次使用核武器 (希望以後都係).

長崎原爆對長崎人也好, 對日本也好, 都係一個永不磨滅既烙印. 所以去得長崎, 除咗行街買野之外, 一定要黎了解下呢段黑歷史.


平和公園


2018年8月16日 星期四

長崎篇 - 長崎市電 / 長崎出島 / 夢彩都


黎得九州, 一定要去長崎. 長崎香港既歷史都有啲似, 由於長崎係日本島既最西面, 所以長崎自古就係一個商貿港. 亦都因為咁, 長崎既建築物同食物都好聯合國, 例如富有西方色彩既大浦天主堂, 亦都有中國特式既中華街.  唔講你唔知, 長崎人好鍾意食中餐架, 一個星期最少會去食一次. 不過留番下集講. 今集集中講下長崎站附近既景點先.

2018年7月31日 星期二

長崎15個必去景點


長崎係日本島最西邊既地方, 以前長崎係一個貿易港口, 所以呢度有好多西洋既建築, 亦有佢獨有既多國菜飲食文化. 由福岡可以搭787特急列車 (JR鹿兒島本線 特急) 過黎長崎, 車程約2小時10分鐘. 
拿! 無呃你! 佢真係叫787 Limited Express架!! 波音787我就未有機會坐喇. 黎到長崎, 當然要去以下15個必去既景點啦. 有啲連旅遊書都無介紹過架!!


2018年7月24日 星期二

熊本篇(下) - 上下通 及 熊本熊辦公室


上回 熊本篇(上) 講到, 大家可以即日來回熊本博多. 而由於櫻之馬場收得早既關係, 記住行左櫻之馬場先, 然後再行上下通. 上下通又係啲乜呢? 就係熊本一條好出名既購物街, 佢位於通町筋水道町站之間, 亦即係上圖中間綠色火車軌既左右兩邊. 右邊係上通, 左邊係下通. (係打橫嗰條先係架, 唔明呀? 睇地圖啦)


地圖入面, 紫色線就係上通下通喇. 不過淨係識去上下通點叫做達人呀? 其實仲有條銀座通.


2018年7月17日 星期二

熊本篇(上) - 熊本市電及櫻之馬場 城彩苑

離開左博多, 我地黎到熊本. 雖然香港有直航機直達熊本, 但係我諗多數人都係由博多過去, 所以今集由博多開始教大家搭新幹線, 然後會教大家買熊本市電既一天任搭PASS再去埋櫻之馬場 城彩苑.  而下一集就會帶大家去上下通Shopping. 好喇, 熊本出發!!


九州新幹線


新幹線既入口喺二樓, 近筑紫口(東口)嗰邊, 見到上呢個指示, 向左手邊上扶手梯或者搭lift上一層就見到.



呢度有間新幹線專門店, 仲有博多駅限定既EVA貼紙機!!


上圖呢個就係新幹線入閘口, 係好細的. 用PASS既朋友, 請用右邊個玻璃門進入, 照舊SHOW張PASS比職員睇就可以入閘. 入閘後有多間店鋪, 可以消磨下時間, 或者買早餐食.




2018年6月5日 星期二

由布院 (湯布院)


想去由布院既朋友有福喇, 因為自2018年7月14日開始, 去年因大雨而損毁既路段將會重開, 車程會由依傢既三個半鐘減到兩個鐘左右.  不過幾多個鐘都好, 大家係咪好想知道, 由博多來回由布院係咪可以即日來回呢? 答案係: 得! 因為我試過. 方法最尾先講, 出發去由布院先!



JR由布院周邊




離開由布院車站之後, 眼前既景物係好似下面咁既:

2018年5月31日 星期四

福岡篇 - 天神


除左博多之外, 黎福岡旅行一定要黎天神. 天神真係一個好神既地方, 佢直情係集原宿表參道澀谷銀座於一身. 你想行大商場買名牌咩? 佢有三越大丸; 你想買潮牌或者平價MK衫咩? 佢有天神コア; 你想搵啲隱世精品小店咩? 上幾集介紹左名牌Vintage店 J&MARMIE vintage select 比你.  所以你想黎天神行? 一兩日係唔夠行架!!




為左方便解釋, 我地睇左地圖先.  

1) 天神地下街:  地圖靠左垂直既粉紅色範圍, 大部份係時裝店, 小量食肆及甜品鋪

2) 天神コア (TenjinCore): 天神地下街右手邊的一個商場, 全部係潮流野, 仲有109MENS添.

3) Solaria Stage / Pacro / 三越 / 新天町: 天神地下街左手邊幾個商場


2018年5月29日 星期二

福岡篇 - 中洲川端


多數遊客去福岡, 唔係去博多就係去天神. 但係你唔覺點解行極都唔見有間驚安?  個個都話去天神食屋台. 但係你成日睇電視睇旅遊書都係影上面呢種喺條海旁邊既屋台. 但係行晒成個天神都搵唔到條河? 因為天神屋台根本唔喺天神! 咁喺邊? 答案: 中洲.

2018年5月24日 星期四

福岡篇 - 博多ふ頭 (博多埠頭 / Hakata Port)


東京就有築地市場, 去大阪就有黑門市場, 連沖繩都有牧志公設市場. 咁博多無理由無個食魚生既市場掛? 除左食魚之外, 仲有個免費既塔比你上去睇下. 想唔想知呢度係邊度? 

2018年5月22日 星期二

福岡篇 - 博多駅周邊


第一次去博多既朋友, 都一定會比旅遊書或者地圖迷惑你, 淨係一個JR博多站上蓋, 已經分左四五個商場名, 有阪急, AMU Hakata, 仲有JR Hakata City, Tokyo Hands.......都未計地底既DEITOS, 同KITTE.......總之就一大堆名啦.  除左上面提過既商場之外, 我仲會帶大家去打機玩VR, 行Yodobashi

睇完呢篇文章之後, 包你路痴都變達人. 一齊黎博多啦!

2018年5月17日 星期四

博多必食串燒店 - 夢市門


黎到日本, 除左魚生、燒肉、拉麵之外, 當然要試下串燒啦. 好彩多得好友食玩遊蹤 by 海藍的生活旅程 seablue.hk既推介, 可以食到呢間又平又抵又好食既串燒店. 有幾平? ¥50一串雞皮夠唔夠平? 一齊黎睇下啦.


2018年5月15日 星期二

福岡篇 - 跟杜如風食蟹放題


上一集跟杜如風去隱世名牌復古店Shopping完. 今日又跟佢去食蟹放題試下有冇伏先. (大家都知佢介紹得既食店都出名.....)



元祖びっくりかにや 博多店




一入門口你已經見到大大個牌, 呢間鋪淨係食蟹放題. 每位¥2800再加茶芥同8%消費稅一共約¥3500左右啦 (飲品另計, 一般汔水/凍烏龍茶約¥200-¥400). 講清楚價錢之後, 安心入去食喇.

2018年5月10日 星期四

J&MARMIE (杜如風介紹天神名牌復古店)


上圖係杜如風親筆簽名, 想搵好野跟住佢一定無錯. 今日為大家介紹既呢間店鋪就係佢喺電視節目中介紹過既隱世名牌復古店喇! 叫得隱世當然唔會咁易比你搵到啦, 不過放心, 呢個Blog最出名既就係交通指南, 留番最尾先講, 睇野先.


J&MARMIE vintage select






2018年5月7日 星期一

福岡篇 - 博多運河城 Canal City Hakata


黎得博多, 必定要去呢個商場 - 運河城 Canal City Hakata. 因為呢度衣食住行樣樣齊, 仲有音樂噴泉睇添. 一齊黎玩啦.




入門口前, 見到呢隻野. 原來叫福蛙, 咁中國奧運嗰隻叫乜? 





不如我地行入間鋪睇下?


2018年5月3日 星期四

鳥栖 - 全九州最大Outlet / 平民二手店 2nd Street



邊個話九州好悶無野買? 只係旅遊書無講你知啫. 其實九州都有Outlet行架喎, 就係今日為大家介紹既Tosu Premium Outlets喇. 除此之外, 我仲去左一間平民二手店掃平貨, 你有冇諗過五十蚊港紙可以買到條連身裙? 即刻開始今日既旅程.


Tosu Premium Outlets





呢個係全九州唯一既Outlet, 由博多過黎只需要20分鐘(特急班次計), 而天神亦都有高速巴士可以直達呢個Outlet, 車程約45分鐘. 好喇, 交通指南最後先講, 去買野喇喂.

2018年5月1日 星期二

福岡篇 - 福岡空港 (福岡機場)


今日起, 達思怪遊世界會帶大家遊九州. 出發之前以為九州無野好玩, 無野好買, 點知旅程既第二日就已經要碌卡喇!! 想知九州有咩好玩好買, 跟住達思怪去遊日本一定無錯. (達思怪係ThatsWhy既中文😄😄)



機場往博多市區




前往市區最快捷既方法就梗係搭地鐵啦. 不過一如其他既日本機場, 地鐵站永遠都係位於內陸航廈, 所以要搭地鐵, 先要搭免費接駁巴士. 依照上圖既指示, 出門口轉左就係.

2018年3月1日 星期四

Greater Tokyo Pass 東京地鐵三天通票


由2018年4月1日開始, 東京地鐵 (組織) 推出全新三天任搭通票, 叫 Greater Tokyo Pass (暫無中文釋名). 售價就非常平, 只需¥7,200 (約HK$514). 究竟抵唔抵? 買佢定買JR EAST既三天通票好? 下文分解.