2016年9月5日 星期一

台幣兌換邊度抵?


今集會同大家講下究竟邊度兌台幣抵. 兌日元我就介紹大家去中環既百年找換店啦. 咁兌台幣又應該去邊呢? 睇下下面呢兩個相比較下:




最上面嗰張係一個APPS黎, 最高既一項 (即係Berlin) 就係百年找換店既兌換率. 如果大家有時間而又唔介意搭車去中環既話, 好明顯百年係最平架啦. 不過, 大家又唔係兌十萬九千七. 搭得車黎, 不如去到台灣先兌啦.



當你去到台北, 落左機過埋海關之後, 就會去到行李運輸帶. 喺呢度, 有間臺灣銀行, 要兌錢就係呢度喇. 

睇多次個兌換率, 4.002, 同百年既4.005比係差少少, 不過我當你兌一萬蚊港紙既話, 其實只係相差30蚊. 真係搭車來回都無左. 當然啦, 依傢深水埗同尖沙咀都有幾間同百年差唔多價既找換店. 但係與其袋住啲錢周圍去, 不如直接去到機場先兌啦, 呢度無乜人排隊架咋.




順手講埋, 當你落左機, 而又未過海關之前, 其實開左幾間賣上網卡既店鋪, 價錢都幫大家影埋喇, 最平NT$300已經有5日任用. 再順手同大家講多樣, 唔駛成日問喇, 台灣既電訊商接收力最好既就係中華電訊, 其次就係大哥大, 其餘既唔駛講啦.

唔明既再喺Facebook Messanger或者Email去thatswhycmidi@yahoo.com.hk度問我啦.

沒有留言:

張貼留言