2016年7月27日 星期三

千葉公園 / 千葉倒吊火車


上集帶大家去左千葉既AEON MALL同埋幕張三井OUTLET, 今集繼續千葉既行程, 黎到千葉公園

不過咁, 其實千葉公園只係我黎千葉市既一個借口, 我真心想做既, 係搭下千葉市獨有既倒吊火車




上圖就係千葉倒吊火車既行車路線圖, 最頂既千葉みなと站, 即是上集講過既JR海濱幕張站. 由千葉みなと去到千葉公園只需7分鐘, 好快就到. 唔講咁多住, 上車先講.










寫得BLOG同大家介紹既, 點會係普通野!! 上面幾張相可以睇到, 今次我坐既係今年全新既吊倒火車, 最特別之處係車箱既地下有幾個窗口仔, 等你可以一路搭火車, 一路睇住地下黎行. 好過比百幾蚊坐水晶360啦下化? 

話咁快, 就去到千葉公園站, 行下千葉公園.













千葉公園最大既賣點就係中間既呢個湖, 夏天既時候仲可以租船踩水上單車, 冬天入春時就可以黎湖既兩旁影櫻花. 好彩我去到既時候都仲有一兩棵比我影下. 全盛既時候, 係好似下圖咁的.

另外, 由於火車係倒吊既關係, 所以大家可以到佢既支撐柱係一個 "口" 字型, 當有火車經過呢個口字既時候, 影張相留念下, 確係有趣! 今集就係咁簡單, 下集再玩過.

千葉其他有趣景點:
千葉 - AEON MALL / 幕張三井Outlet
戀人之聖地 - 千葉Port Tower

沒有留言:

張貼留言