一般香港人去千葉縣，唔係去迪士尼就係為左去上圖呢個幕張三井Outlet。所以呢個Outlet當然會講啦，不過今日特別少少，帶大家去AEON MALL行下先。大家都知香港康怡既AEON已經變左身，跟日本變成AEON STYLE。為左呢間鋪，筆者專登走左去千葉一趟，睇下日本既AEON STYLE係點既。首先由東京出發。
東京往千葉 (海濱幕張站)
去千葉方向既車, 一定要由東京出發架喇, 所以如果你係由JR山手線左手邊 (即新宿, 原宿, 池袋等) 出發既話, 就要搭JR中央線 (快速) 去左東京再轉車. 上圖可以見到, 大家係要搭JR京葉線先可以去到海濱幕張站的, 各停既車程約38分鐘, 有快速既話搭快速吧, 車程約30分鐘. 而我喇喎, 由於有PASS既關係, 梗係用黎搭特急啦 (唔駛加錢架嘛, 用盡佢!!) 24分鐘就到.
AEON MALL
由海濱幕張站出, 經北口出, 就會見到下圖既巴士總站, 去3號月台等巴士就可以去到AEON MALL.
 |
| 見到呢個牌就岩架喇, 比現金係平過用Suica卡的, 所以都係比現金吧. |
 |
| 班次夠晒密, 約10分鐘一班, 唔駛急. |
 |
| 全日本得千葉獨有既BENZ掛接巴士, 好型! 忍唔住要影兩張. |
叫得AEON MALL, 梗係唔會好似香港咁細間啦. 大家睇下上面呢幅地圖, 呢間AEON MALL係由四座建築物組成的, 分別有Grand Mall, Pet Mall, Family Mall同Active Mall四棟. 而呢部巴士係每棟都有站的. 由海濱幕張站去到AEON MALL第一個站, 即係Grand Mall車程約10分鐘.
呢間係旗艦店, 當然有免稅啦. 有睇過我寫既沖繩篇既讀者都會知道, 並不是每間AEON都有免稅的. 好喇, 大家睇住相黎參觀下呢個Grand Mall吧.
 |
| 日本既AEON STYLE係樓高兩層的. |
 |
| 呢度大到有小火車坐, 詳情陣間再講. |
行住咁多先, 要醫肚既話, 呢度有個大Food Court - LIVE KITCHEN. 香港幾時先有番以前樂富Aeon咁既Food Court?
 |
| 淨係Food Court都有7個Zone, 死未? |
 |
| 對住個千葉食午餐, 一流. |
唔食Food Court既話, 介紹你去食下面呢個鐵路餐廳, 點睇?
 |
| 一路食野, 一路睇住啲火車行, 鐵路迷一定好高興. |
食飽飯, 繼續行, 不過仲未行晒Grand Mall, 因為呢度仲有間戲院.
穿過戲院, 就會去到另一個Mall, Pet Mall喇.
雖然Pet Mall唔係好大, 但係又真係好Pro, 賣魚既一間鋪, 賣狗仔手推車既又一間鋪. 我無養寵物, 影兩張相交下功課就走喇, 再去下一個Mall, Family Mall.
Family Mall其實係小朋友Mall, 呢度除左有玩具反斗城之外, 仲有Uniqlo. 最後, 大家又見番呢部小火車喇, 原來就係呢度上車既, 每位¥200. 大人都可以坐架! 跟住, 去最後一個Mall, Active Mall.
Active Mall其實係運動用品鋪, 啲牌子大家都好熟架喇. 呢度其中一個特別之處係有班學的. 所以真係好大架!!
玩完要返番去海濱幕張站既話, 先去番Grand Mall, 就有巴士站, 搭返去海濱幕張.
記住係要揀 "海濱幕張駅 行" 既呢個巴士站先係呀, 上錯車就會去番另一座AEON MALL再行過架喇.
幕張三井Outlet
 |
| 去AEON MALL就用北口, 去Outlet就用南口. 一出去, 右手邊即刻見到, 一分鐘都唔駛就到. |
|
| 幕張三井Outlet |
 |
| 大牌子一定有啦. |
 |
| 有BB車, 有LOCKER比你鎖野, 鎖好再血拼. |
南口呢邊除左幕張三井Outlet之外, 仲有個商場仔 - Plena Makunari.
大家可以見到, 呢個商場都係食肆為主, 大家行到肚餓就過黎食野啦, 就喺OUTLET旁邊架咋.
講完南口, 又講番北口, 除左有個巴士總站可以搭巴士去AEON MALL之外, 仲有呢個Messe Amuse Mall比你食下野同夾公仔.
下一集我會帶大家去千葉既另一個景點 - 千葉公園同大家睇下櫻花, 仲會坐下千葉既特式倒吊火車. 下集見.
幕張三井Outlet網址: http://www.31op.com/makuhari/
沒有留言:
張貼留言