今集特別小小, 唔係介紹地方, 而係介紹餐廳. 雖然台北篇既時候都介紹過不能說的秘密餐廳. 但係嗰度係起101大廈附近, 所以順手介紹埋. 今次係專登開一個TOPIC黎講. 另外就係, 睇開呢個BLOG既都知我係參加 "慳儉旅遊" 架啦. 唔明唔緊要, 睇相先啦.
古典玫瑰園 台中創始店
地址：台中縣龍井鄉藝術街39巷5~11號
電話：04-26321212
由於今次係我一位台灣朋友車我去既關係, 我實在教唔到大家點搭車去. 不過呢間鋪並唔近台中火車站. 如果以台鐵計, 最近應該係龍井站. 不過上次佢由台中車我去又唔係好耐喎, 半個鐘左右就到.
講番呢間餐廳, 原來喺台灣好出名的, 仲有幾間分店. 而呢間就係第一間鋪, 位於藝術街內 (藝術街有咩野行就最後先講). 但係亦都因為佢座落於藝術街內既關係, 未入去之前, 睇間餐廳既外貌, 已經殺你唔少相片.
一入門口, 佢其實係一間賣花茶既店鋪,
你見到上面有一張相係兩旁大櫃, 不知幾型. 仲有, 花茶係有試飲的. 飲杯!!
首先, 你要喺呢個咁酒店大堂既接待處登記. 不過我朋友當然預早訂左位先啦.
好快咁就食完, 我地上二樓參觀下, 呢度任你影相架, 哈哈.
呢度食野就唔係太貴, 晚餐一個SET大約NT$380-500. 即係百幾蚊港紙. 下午茶有英式茶點的. 你下午黎都可以. 食完就出藝術街行一陣先.
由於我地太夜去既關係, 所以所有鋪都關晒門了, 不過就咁睇呢度既環境, 白天應該會幾多野睇.
有時間去台中既話, 記得去試下呢間 古典玫瑰園 喇.
沒有留言:
張貼留言