2016年12月25日 星期日
AEON MALL Okinawa Rycom 永旺夢樂城沖繩來客夢
繼續沖繩篇, 今日帶大家去全沖繩最大最新既AEON, 就係上圖呢間喺2015年開業既AEON MALL Okinwa Rycom喇 (中文釋名好鬼正, 叫 "永旺夢樂城沖繩來客夢", 好台灣Feel.).
去過日本既朋友都知道, 話就話係AEON, 但係其實佢係一個購物商場, 而呢個商場就大囉, 有成100間不種牌子既店子, 所以佢除左係最大既AEON之外, 亦係全沖繩最大既商場. 睇下下面既平面圖你就知有幾大.
2016年12月12日 星期一
沖繩燒肉店 - 焼肉もとぶ牧場
一般人去沖繩, 多數都會跟旅遊書去我那霸燒肉店. 但係我去得就梗係睇日本版既旅遊書, 搵牧場直送既燒肉店食啦. 牧場直送既好處係平靚正! 自己牛自己養. 不過呢間遠就遠左少少, 位於名護. 所以如果你係住名護又或者去完水族館回程時食埋先返那霸就岩岩好, 我地睇下地圖先.
2016年12月7日 星期三
2016年11月25日 星期五
2016年11月21日 星期一
2016年10月15日 星期六
名古屋 - 栄
上集介紹完大須新天地通, 今集黎到栄. 黎得名古屋就一定會黎栄呢度. 栄就好似香港既尖沙咀, 要名店有名店, 要百貨就三越, 仲有年青人行既商場, 同埋觀光塔. 要黎栄好容易, 都係搭地下鐵, 由名古屋站過黎只需兩個站.
2016年10月10日 星期一
名古屋 - 大須新天地通
東京, 大阪, 沖繩都去過晒喇, 今次去東京同大阪既中間 - 名古屋. 名古屋除左SKE48之外, 真係無乜特別既野, 就連名古屋既調查都話, 名古屋人都覺得名古屋好悶, 無野好行. 今日我就帶大家去名古屋既一條步行街 - 大須新天地通 度行下啦.
2016年9月29日 星期四
2016年9月28日 星期三
2016年9月20日 星期二
Big City遠東巨城購物中心
今日特別少少, 去遠少少, 距離台北一個鐘頭火車程既新竹, 原因係參觀呢個曾經係全東南亞最大既商場 - Big City遠東巨城購物中心.
2016年9月19日 星期一
師大夜市
根據當地朋友所講, 因為管理問題, 曾經打贏士林夜市地位既師大夜市比以前細左一半, 唔去都罷. 但係唔親身行過又點可以知道呢? 今集既主角就係師大夜市, 我地由捷運站出發.
想去師大夜市, 就要搭捷運去台電大樓站, 沿出口3, 轉右入去就係.
2016年8月28日 星期日
中友百貨
我呢個遊旅BLOG既台灣篇黎講, 墾丁既收視永遠都係最高既, 呢點都好正常. 因為墾丁的確好多背包客自己去又唔識搭車. 但係除左墾丁外, 第二高收視既竟然係台中既一中街同埋逢甲夜市. 點解台中咁多人睇既呢? 好啦, 既然係咁, 咁我就去埋一中街附近既一個地標 - 中友百貨.
台中高鐵站
出左閘之後, 去出口6, 就可以搭高鐵快捷公車去一中街. |
記住係搭159號公車呀, 班次都算係咁, 20分鐘左右一班車, 但係車程都幾耐. 要45分鐘咁滯. |
13號公車月台等車啦 |
由台中火車站去中友百貨 (一中街) 之前都介紹過喇, 搭公車就可以, 十幾分鐘就到. 所以今集教大家由台中高鐵站出發. 出左閘之後, 按照上面相片既指示, 搭159號公車就會到一中街.
位置:
404台灣台中市北區中友百貨
2016年8月13日 星期六
士林夜市
好耐都無去台北, 今年再去, 士林夜市都搬埋 (其實都搬左幾年啦) 不過好彩, 今次係同當地人一齊去, 所以今集可以帶大家去由當地人介紹既兩間平靚正美食. 一間係鐵板燒, 一間係食雪花刨冰的! 不過, 我地行陣街先啦.
新既士林夜市同樣位於劍潭站 (地圖左手邊圖黃色區域就係). 主要由三條街組成, 包括基河路, 大東路同埋文林路. 當中基河路係遊戲區以及食堂; 大東路係行街買野既; 而文林路就比較雜啲, 小食同買衫既都有, 不過比較少人行. 大家由劍潭站既出口1出站就可以. 順帶提一提既係巴士站E就係去美麗華既免費穿梭巴士站.
2016年8月3日 星期三
下北沢
今日帶大家黎行下下北沢, (邊度黎?) 下北沢距離東京市好近, 由新宿過黎都係十拎分鐘. 下北沢係行街買衫既好地方黎架!! 如果你覺得澀谷太潮, 原宿太MK, 表參道太貴既話, 就梗要去日本學生妹好鍾意去既下北沢啦.
上圖可以睇到, 由新宿出發, 搭小田急電鉄 (即係之前教過大家去江之島同埋箱根既電車公司) 幾個站就到. 又或者由澀谷轉車過黎都一樣可以.
2016年7月27日 星期三
2016年7月25日 星期一
金澤 (金沢)
今日帶大家去一個近年好多香港人去既地方,就係金沢喇。金沢位於北陸地方,係新瀉之外第二大既城市。不過如果計景點黎講就非常集中,一個圈就行晒。至於金沢有乜咁特別吸引到咁多香港人去呢?呢度有北陸小京都之稱,因為呢度好有藝術氣氛仲有個好出名既21世紀美術館,同埋有一條超過100年歷史既東茶屋街。而食野方面,可以去近江町市場食海鮮。仲有個攝影發燒友好鍾意去既日式花園兼六園。咁你話係咪好好玩呢?
由於金沢位於北陸地方,所以由東京出發一定要搭新幹線,單程車費係¥14120,車程約兩小時三十分鐘。所以當然係買PASS抵啲啦,由2016年4月1日起,JR推出左北陸拱型鐵路周遊券,連續七天任搭只需¥24000(日本國外販售計),呢個價錢已經包埋你坐N'EX來回市區同機場架喇,所以都叫買得過。
由大阪、京都出發,可以坐JR東海道本線既特急班次Thunderbird號直達金沢,車程約兩個半小時,單程車費係¥7130。呢段路亦都可以買上面講過既北陸拱型鐵路周遊券既,不過因為呢程車錢比較平,買唔買PASS就睇你會唔會去埋奈良、神戶同京都喇。
位置:
日本石川縣金澤市
2016年7月24日 星期日
千葉 - AEON MALL / 幕張三井Outlet
一般香港人去千葉縣,唔係去迪士尼就係為左去上圖呢個幕張三井Outlet。所以呢個Outlet當然會講啦,不過今日特別少少,帶大家去AEON MALL行下先。大家都知香港康怡既AEON已經變左身,跟日本變成AEON STYLE。為左呢間鋪,筆者專登走左去千葉一趟,睇下日本既AEON STYLE係點既。首先由東京出發。
東京往千葉 (海濱幕張站)
去千葉方向既車, 一定要由東京出發架喇, 所以如果你係由JR山手線左手邊 (即新宿, 原宿, 池袋等) 出發既話, 就要搭JR中央線 (快速) 去左東京再轉車. 上圖可以見到, 大家係要搭JR京葉線先可以去到海濱幕張站的, 各停既車程約38分鐘, 有快速既話搭快速吧, 車程約30分鐘. 而我喇喎, 由於有PASS既關係, 梗係用黎搭特急啦 (唔駛加錢架嘛, 用盡佢!!) 24分鐘就到.
訂閱:
文章 (Atom)