超平旅遊保險

今日有一單新聞, "一名女子在沖繩食牛舌時鯁喉昏迷，送院期間心跳曾停頓三分鐘，在當地醫院救治二十一天，現情況危殆。由於她無買旅遊保險，當地住院醫療開支高達每天一萬港元，家人支付十萬元醫療費後已山窮水盡，正四處求助，盼盡早將她接返港治療。" < 轉載自蘋果日報網站.

跟住當然有D "專家" 訪問話旅遊保險要七百幾蚊港紙先至包得全面. 但係咁講咪即係叫人唔好買旅遊保險! 七百蚊邊個會買? 今日筆者推介一間超平既旅遊保險公司比各位, 下次去旅行記住一定要買喇!


呢間旅遊保險公司係AIG. 我以旅遊亞洲地區為例 (包括台灣, 日本及韓國) 7天或以內, 每人既保費只需HK$80!! 你無睇錯, 係全個旅程每人只需HK$80. 呢$80已經包埋最常見既航班延誤, 行李, 金錢, 證件遺失呢D賠償. 咁當然, 人身意外類既野, 包括埋今日新聞所講, 要緊急醫療運送, 當地住院同緊急啟程. 所以識得買, 又點會要七百幾蚊咁貴?

http://www.aigdirect.com.hk/travel-insurance-key-features_3258_510843.html

有興趣既朋友, 可以去以上網址參考下, 我所介紹嗰種係個人優悠計劃, 基本計劃就不提也罷喇, 至於超卓就係你個人選擇.

衰D講句, 唔好話人身意外呢D, 機場運行李時爆喼成日都有架啦, 你比八十元, 分分鐘可以免費換過隻新喼喎. 係咪抵先. 飛機DELAY黎講, 滿5小時已經有$300賠, 15小時有$1000. 老實講, 如果淨係計DELAY呢一項賠償其實係唔吸引, 其他公司做緊6小時已經賠$600, 9小時賠$1000咁滯. 不過都係果句, $80咋喎, 仲想點? 筆者已經幫大家格埋價喇, 下次去旅行唔好慳喇.

----------------------------------------------------------------------------
(2016年更新)

話口未完, 2016年去旅行時, 一落機個喼既把手就爛左. 呢個時候記得搵地勤職員幫你寫張 "行李損毀表格" 同埋影相做紀錄. 返到香港就可以Claim番保險. 今次保險公司賠左HK$600比我. $80旅遊保險賠$600, 其實係好著數, 千其唔好慳.