大阪篇- 大阪 / 梅田

去大阪, 當然會去大阪啦 (又或者叫梅田). 如果用地點計, 難波比較旺角銅鑼灣, 梅田就似中環. 其實今集都唔駛點介紹, 因為梅田主要都係行商場, 加上今年落成既Gand Front Osaka. 全部都係一出地鐵站就可以搵到, 基本上全程唔駛出地面. 又由於筆者並唔喜歡行商場, 所以今集反而會介紹大家去車站旁邊既平民飯堂. 真係又平又好味. 不過我地又睇左地圖先.

一出梅田, 當日我諗住買玩具的, 所以第一站去左Yodobashi Umeda.

呢度除左平時大阪同京都一樣既Yodobashi百貨之外, 五至七樓係時裝店, 包括心齋橋既We Go都有, 特別係, 呢度比較多男裝衫, 心齋橋真係搵件男裝都難. 而八樓就係飲食街, 其中一間食燒肉既好好食.

呢間叫本陣既店鋪在大阪都有幾間分店的, 而大阪呢間好似有好多外國旅遊書都有介紹. 大家上圖見到, 我地兩個人都有間房坐. 圖中係兩個午餐, 每個約二百幾蚊港幣, 有飯有湯有帶子同幾件燒肉. 提提大家, 晚餐會貴好多, 所以食晏係最抵的.

食完野, 又買玩具, 今次去左地底商場, 阪急三番街.

睇睇下相, 好似去左東京一番街咁. 唔知大家覺唔覺喇. 不過呢度只係三番街既一個角落, 時裝店同食肆當然唔少啦.

之後我地出番地面, 去玩喇, 位於阪急百貨既旁邊, 有NAMCO同激安, 仲有摩天輪添.

呢度間激安有三層樓高, 感覺上好似仲大過心齋橋河邊果間, 加上心齋橋間激安超多人, 所以呢度反而仲好行. 

行到夜晚, 要入正題喇, 位於阪急大阪站旁邊, 有個平民飯堂, 呢度有D似大家睇日劇食日見到, 一條走廊兩邊都係 "立食" 既食肆, 呢度最多既係串燒, 睇黎大阪人幾鍾意食串燒, 反而大阪燒就好少. 當日我地去左其中一間有得坐既餐廳. 

大家有冇睇到塊牛排? 兩邊少少燶, 中間仲係紅色架! 呢個餐有沙律, 牛排, 飯同湯. 都只係一百三十蚊左右港幣. 以質素計其實好抵. 可能你會問, 又話平民食堂, 點解都仲要咁貴? 其實唔貴架喇, 串燒仲貴, 成五百至八百YEN一串, 我第一篇大阪篇既時候都話, 如果東京同大阪比, 大阪食野的確係貴過東京好多. 真奇怪. =.="

(本文地圖取材自谷歌地圖)