2014年9月14日 星期日

大阪篇 - KIX 關西國際機場

終於由大阪返黎. 東京就去得多, 大阪都係第一次. 但係感覺麻麻, 人又無咁有禮貌(當然已經好過香港同強國), 應該無下次架喇. 點都好, 介紹左個機場先.








上面張相可以睇到, 其實關西機場唔係好大. 主要既出入口都得係一個, 就係二樓條天橋. 可以去到JR同埋南海電鐵總站, 再行遠少少(約5分鐘左右)就會去到機場酒店, 而筆者當晚就係住呢間酒店喇.






呢個機場除左LAWSON便利店之外, 只有呢間麥記, 以及機場酒店大堂既BURGER KING係24小時營業. 所以夜機既朋友都幾悶.





地下見到呢部賣SIM咭既機, 不過一睇. 嘩!! 食水好深喎!! 香港租蛋都無咁貴. =.="

好喇, 過去地鐵站. 一個大堂左邊係南海電鐵, 右邊係JR. 而各自既側邊就係各自既客務中心. 用黎買一日PASS等等的. 好易搵, 好易睇.







今次筆者坐既就係人稱 "大鐵人" 號既南海電鐵特急喇. 車程39分鐘, 就到難波站, 非常便捷.







提提大家, 如果想搭南海電鐵既話, 出發前可以上去佢個官網(有中文亦有英文)睇下:

http://www.howto-osaka.com.t.iv.hp.transer.com/top/ticket/railway/

南海電鐵有好多優惠票提供比遊客的. 就好似筆者就買左Yokoso Osaka Ticket, 呢個係包左單程大鐵人號往難波以及一張大阪市鐵一日任搭既PASS, 只需¥1500. 係非常抵. 因為淨係大鐵人號單程已經要¥1390. 詳情自己去官網睇或者EMAIL比我啦.



另外, 由於太多廉航既紅眼航班既關係, 由去年開始, 關西機場加多左好多通宵巴士服務旅客, 詳情可以去以下網址睇:
>http://www.kansai-airport.or.jp/tw/morning-midnight/access/index.html

大家可以見到, 係來同回程都有通宵服務, 最遠去到京都神戶都有. 當中去梅田(大阪)既班次最密, 每個小時都有一班.

沒有留言:

張貼留言