去千葉Port Tower, 要由JR千葉みなと站落車再步行約10分鐘. 而前往JR千葉みなと站既方法係由JR東京站出發, 搭京葉線 (往蘇我方向)就可以直達, 京葉線即係大家去東京迪士尼或者幕張Outlet既同一條線. 車程約45分鐘(急行), 1小時10分鐘(站站停), 所以有急行就搭急行了, 另外, 好似仲有特急班次的, 不過JR特急係要加錢的, 另外筆者並不確定特急是否停JR千葉みなと站, 所以不作介紹了.
上圖就係JR千葉みなと站既出口了, 我地又睇下地圖先.
地圖左手邊一大片綠色既就係千葉公園, 而今集既目的地千葉Port Tower就位於公園上方, 大家可以見到呢度既街道係井井有條, 所以唔怕迷路, 見到Volvo車廠之後轉右, 座塔好高的, 基本上你沿路都會見到的.
上圖中間好高果座就係千葉Port Tower了, 繼續行......
一直行到座塔既下方呢個好似商場咁既地方, 就係入口了, 一入去就要買飛了, 成人收費¥410.
座塔就百幾米高的, 但係得三層可以行咁大把. 一如平時既觀光塔, 一入到去, 有部Lift等緊你.
升降機內向外望.
指示話, 呢個角度望過去就可以見到SkyTree, 但係當日咁大霧就乜都睇唔到了. 連迪士尼都見唔到.
日本本地有個戀人之聖地既投票活動, 而千葉Port Tower當然係其中之一啦. 剛才既觀光層係四樓, 三樓係餐廳, 跟住落黎就係二樓, 即係心鎖既地方.
首先呢個叫 "天空綠結" 係求籤既地方, 咁當然係求愛情啦.
¥100求一次, 求完自己拎籤就可以. 不過如果你同你愛侶打風都打唔甩既話, 咁就唔駛求籤, 行去另一邊.......
呢度叫 "戀人之聖地", 窗口邊既網就係比你掛鎖既地方. 現場有鎖賣的, ¥1000一個, 佢會借埋支筆比你寫名的. 如下圖.
塔既下面係一個人造沙灘, 游水就免喇, 因為周圍都係船廠, 行下坐下都OK既.
話咁快就玩完, 比番回程時周邊既相大家睇下.
上面呢部倒吊火車, 就係JR千葉市內交通運輸了.
雖然由東京去千葉都要成個鐘好似好遠, 但係其實呢度同東京迪士尼都係同一條鐵路線, 由迪士尼過黎搭急行只需30分鐘, 如果下次同你既另一半去完迪士尼唔知去邊又或者想比個驚喜佢既, 就帶佢過黎千葉Port Tower啦!
沒有留言:
張貼留言