東京駅一番街

有睇開我個BLOG既都覺得我好少去山手線既右半版, 今次因為轉車既關係, 終於在東京站停一停. 事實上, 自從去年JR東京站大翻新完成之後, 其實都幾值得大家去睇下影下相. 不過今日筆者帶大家去既係位於JR東京站地庫既 "東京駅一番街".

要去東京駅一番街就要搵JR東京站八重洲地下中央口, 就會見到上面個東京駅一番街入口架喇.

呢度有好多出名既店鋪, 不過周圍都有既就唔多講喇, 邊度都係行街買衫架喇, 去到商場既最後一個部份, 係動漫迷既地方.

由呢度開始, 入面既鋪出面無 "乜" 架喇.

有Snoopy, 比卡超, 仲有NHK電視台既精品添. 不過, 都唔夠以下呢間必去, 特別係呢個時期.

唔知去到幾時, 總之2014年上半年既時候, 鬆弛熊cross over山手線, 係官方授權既產品. 有鎖匙扣, FILE, 公仔. 右手邊既架上面, 仲有齊晒山手線咁多個車站既站名鎖匙扣添. 我買左好多. 有買襯手喇.