2014年2月1日 星期六

水道橋 (Dome City)

恭喜發財, 新年快樂, 身體健康. 大年初二帶大家去一個年青人好岩去既地方, 就係水道橋喇, 平時大家對水道橋既印象, 多數都係搞大型演唱會DOME體育館, 同埋有過山車穿過商場既機動遊機. 無錯, 這裏除左機動遊機出名之外, 仲有好多年青人喜歡既商店, 例如Jump Shop, Uniquo, 日本版既Village Vanguard.


Dome City要分開兩個部份講, 首先係近住JR水道橋既下半部份, 呢度主要係大型遊樂區, 過山車, 摩天輪都係呢邊, 仲有就係Jump Shop同埋Food Court, 3D電影等等. 之後就要從遊樂場既底部 (即係行人隧道), 穿過去商場嗰一部份, 嗰度有旋轉木馬, 激流以及上面講過既Village Vanguard, Uniquo等等商鋪. 睇相先.






這裏不是行人隧道, 而是3D電影等遊樂館. 行人隧道在另一邊, 要行樓梯的.



Jump Shop係專賣動漫野既地方, 好多香港人都鍾意去的, 而Jump Shop旁邊就是Food Court.






呢度既好處係地方夠大, 亦都好多選擇, 一個午餐大約要九百至一千日元, 無法啦, 日本食野係貴架喇. 走既時候認住下面個遊樂場方向就會搵到條隧道, 過去行商場.



Tokyo Dome City, 無錯, 隧道就在裏面, 表面上佢好似係室內, 其實我身處既地方, 同埋你眼見唔到既正前面都係路天的. 

呢個角度望落去, 我身處既就係商場既其中一層, 呢度有激流同旋轉木馬, 相片既右上方睇到少少既就係摩天輪, 即係正話近Jump Shop果邊. 食完玩完之後可以由後樂園車站搭車離開, 以下係交通指南.

交通指南:

呢度有三個鐡路站, JR水道橋, 水道橋後樂園站.
先講JR水道橋, 目的地(或者出發地)可以去到新宿, 秋葉原(轉JR去上野, 東京等等)
水道橋站 (三田線), 目的地可以去日比谷, 芝公園, 目黑
後樂園站 (丸之內線), 目的地可以去池袋, 東京

所以如果行程夾到既話, 搭JR去JR水道橋站, 順方向玩完, 到後樂園站搭丸之內線去池袋玩埋個夜晚係岩岩好的.

(本文地圖取材自谷歌地圖)

沒有留言:

張貼留言