自由之丘

今日去遠少少, 黎到目黑區既自由之丘. 目黑大家多數都聽過架喇, 特別係幾年前周國賢首歌. 目黑比人既感覺, 係一個高尚而優閒既地方. 而目黑區內既自由之丘更加係高尚同優閒既表表姐. 自由之丘原本係個好歐陸式既住宅區, 但係近年有唔少店進駐, 依傢變成有大大小小店鋪一千多間. 黎自由之丘好容易, 從METRO東新宿, 新宿三丁目, 池袋, 澀谷等地方搭副都心線直通東急東橫線就可以直達, 如果你由東京方面出發, 就要搭任何METRO線轉日比谷線, 到中目黑轉東急東橫線. (詳情睇番日本鐵路介紹一文).

自由之丘既景點都分得幾散, 所以我都要用兩幅圖先列得晒出黎. 簡單咁講, 當你由自由之丘站出, 正面就有一條叫做Sirakaba St.既窄街, 沿住呢條街行入去就有好多野睇, 包括興到黎香港既$38店. 去到街尾轉右, 直上就可以去到ABC-MART一直去到威尼斯返轉頭, 就可以行晒. 預半日時間就可以. 當然中間有好多橫街其實都有好多店鋪的. 如果想詳細了解, 就要搵旅遊書了.

一路行到尾就會見到下面間超市, 然後轉右就會去到ABC-Mart.

自由之丘係一個高尚既地區, 所以馬路同行人路都比較窄, 但係勝在唔多車. 

大家睇上面呢幅相可以見到, 沿途都有好多野買的. 不過呢度買野既價錢當然都係高尚的啦!

上面呢間貓貓店, 入面賣既野都係以貓做主題, 旅遊書都有介紹的. 之後我地會去到威尼斯. 大家要留心睇實地圖咁行, 因為威尼斯比想像中細得多, 加上入口係兩座樓之間, 所以經過都未必察覺.

究竟呢個威尼斯係乜野黎既呢? 其實呢度只係幾間CAFE同時裝店型成既一個小市集. 不過佢地就搞少少綽頭, 裝修到好似威尼斯咁, 影下相就ok既, 免費任你影. 但係事實上就無乜野好行. 影幾張相就可以回程了.

呢間Jurlique幾靚!! 同周圍既環境一樣, 都係歐陸式.

LUPICIA又係另一間乜都有得賣既超市, 不過重點不在這. 而是這一個位置附近有好多時裝店同HIGH TEA既CAFE, 不過收費真的很HIGH.

同樣地, 眼鏡店不是重點, 重點在旁邊的一些CAFE. (註: 地圖手誤打錯成 "台山眼鏡店").

最後都係食First Kitchen平平地岩晒筆者. 日本人真係一句英文都唔識的, 就算十幾歲既年青人都係, 就連Chocolate都唔識聽. 所以去到自由之丘呢種非旅遊區, 識一兩句日文會方便一點.

上圖是自由之丘站旁的小商場, 筆者無時間入去睇過, 影張相等大家知道吧.

臨上車前, 筆者要介紹大家幫襯車站旁邊呢間餅店. 返酒店後先發覺好食到不得了. 香港的東海堂等都差佢幾條街. 可惜既係, 佢分店唔多, 所以老婆豬話下次去東京都要去一去自由之丘買CAKE.  =.="


(本文地圖取材自谷歌地圖)