2013年7月13日 星期六

橫濱

橫濱距離東京圈約半個鐘車程, 唔係太遠, 又好多野玩, 仲要勁浪漫. 所以好多香港人都鍾意去. 橫濱著名既景點包括: 有個鐘喺上面既大摩天輪, CUP NOODLE博物館, 紅磚屋(行街買衫食野的), 再遠少少可以去埋中華街(即係日本唐人街).

去橫濱最快既方法係搭JR湘南新宿線(急行), 約30分鐘就到橫濱站. 可是, 橫濱既景點分散, 去到橫濱站之後其實你仲要轉一程 "港灣未來線" 先可以去到景點. 所以本文不會介紹大家搭JR. 搭一個平D既方法啦, 就係搭 "東急東橫線". 詳情如下:



其實東急東橫線即係澀谷橫濱之間既區間, 而港灣未來線就係橫濱中華街之間既區間. 但係由於東急東橫線已經同副都心線通行運轉左既關係. 所以其實你係可以由池袋, 新宿, 原宿等地直接搭副都心線不需轉車既情況下直達中華街. (唔記得左咩叫通行運轉既請參閱上一篇鐵路介紹). 票價好抵, 澀谷至橫濱來回票+港灣未來線內任搭, 都只係¥840. 如果你喺池袋, 新宿三丁目, 原宿等站上車既可以去到澀谷站出閘再購來回票, 如果你係由東京嗰面出發既話, 先搭丸之內線日比谷線就可以去到中目黑站, 就可以轉乘東急東橫線. 由澀谷至橫檳, 搭特急車計, 最快約40分鐘. 特急不需要加錢, 放心搭啦. 至於點買來回票, 請參閱官方網站介紹 >> http://www.tokyu.co.jp/railway/railway_global/chinese/tc/kenbaiki/kenbaiki_kaisuuken.html

好喇, 我地又睇下地圖先:


暫時大家可以睇到, 要去紅色字既景點, 就要由港灣未來站落行過去. (港灣未來站得日文名, 所以大家記得數住過左橫濱站之後 > 新高島 > 港灣未來(落車!!))


每個地鐵站都有地圖, 記得影張相先好走, 呢幅地圖點講都UPDATE過你手上旅遊書果本. 同埋你可以搵個最近既出口出嘛. 今次係出口4. 你會經過下圖既長走廊

跟住出到地面係咁的.


你向住我影相呢個方向行就岩架喇, 我身後係一間警署. 之後要行約15分鐘....


見到呢個好似香港會展咁既地方, 向你既右手邊轉, 就會見到摩天輪(如下圖)

咁即係你無行錯路喇, 沿住條路行過去啦. 




當日有櫻花開, 所以我影左少少相. 另外因為當日落大雨, 遊樂場無開, 所以我直接去左CUP NOODLE 博物館, 博物館喺正遊樂場個摩天輪對面, 好近!



CUP NOODLE 博物館








入到去, 第一件事買飛, 跟住就可以上樓梯入場, 呢個博物館係以單程路既方式行的, 人行你就跟就可以. 但係你唔出番閘既話, 你係可以無限咁行的. 















大家睇相應該都夠飽啦, 我唔介紹喇. 不過上面你見到一班人喺度整杯面既情景, 我就無試過喇, 因為要排兩小時. 不過咁, 如果你無親手整個獨一無二既杯面出黎, 其實.....你同無去過又無分別. 大家自行決定吧. (好笑既係, 呢度係無杯面賣的 =.=")

之後你可以行去紅磚屋, 不過咁岩門口有巴士, 所以我搭巴士去喇.


呢部巴士係穿梭橫濱內各景點的, 班次唔太密, 但勝在唔駛自己行, 車內有落車提示. 缺點係, 佢竟然無一日任搭既PACKAGE, 你要每次上車入錢.

紅磚屋

紅磚屋既前身係一個貨倉, 依傢變成左一個兩層既冷氣商場, 呢度好多野買, 又有野食. 正話無杯面食唔怕餓親, 過黎玩啦.





紅磚屋有兩座, 呢一座高身D既地下係商點, 樓上係比人租場表演既地方.


朱古力黎架, 死未!!

好喇, 行完紅磚屋之後, 你可以行番出去馬車道站搭番港灣未來線中華街或者返新宿. 又或者搭我剛才介紹既巴士去馬車道站都得. 不過筆者特別一點, 我搭觀光船!









坐觀光船, 十分鐘就到中華街, 但係班次極疏, 個幾鐘先有一班船. 落船之後....




你會經過一個公園, 之後沿指示牌行, 數分鐘內就會行到中華街.

中華街


從呢幅地圖睇到, 其實中華街係一條 "工" 字形既街, 好易行的. 睇相吧.






筆者覺得呢度好得意, 原來日本人眼中既唐人就係熊貓, 呢度周圍都有熊貓既野賣. 當然唔可以錯過呢度既 扮中式美食. 好好食的, 但係無中式既感覺, 哈.














最後, 我老婆豬請大家食日式煎堆. 我講過啦, 佢係扮中式的, 所以個堆入面係紅豆, 日本任何小食都鍾意加紅豆架喎. @@"


(以上部份相片取自東急電鐵及谷歌地圖經站)

6 則留言:

  1. 如果我朝早去左SANRIO PUROLAND,2點左右離開去橫浜會唔會好唔就腳?
    如果可以,想請教如何搭車?
    謝謝:)

    回覆刪除
    回覆
    1. 幫你CHECK過, 要轉四程車先搞得掂. 否則不如搭京王相模原線去新宿先, 再轉湘南新宿或者副都心線去橫濱會易明啲. 全程大約個半鐘.

      刪除
  2. 明白,我都諗要返新宿再轉架喇LOL! 唔該晒你:)

    回覆刪除
  3. 我搵到從Sanrio Puroland直去橫濱既路線,約一個鐘:
    京王多摩センター --> 搭「京王相模原線区間急行・橋本行」去橋本 --> 轉車「JR横浜線快速・桜木町行」--> 到JR桜木町
    不過就要o係JR桜木町駅穿過Landmark Tower同Queen's Square再行先去到Cosmo World、紅磚倉庫等

    回覆刪除
    回覆
    1. http://www.ekikara.jp/cgi-bin/route.cgi?faretype=ic&incode=13224033&intext=%91%BD%96%80%83Z%83%93%83%5E%81%5B&outcode=14103021&outtext=%89%A1%26%2328392&month=201609&day=22&hour=11&min=54&arrive=&way=&airplane=on&sprexprs=on&utrexprs=on&max=5&sort=time&half=on&cut=on&direct=on&search=%8C%9F%8D%F5

      無錯係呀, 我之前都係咁幫你CHECK, 不過咁轉法, 無乜著數, 又用唔到PASS, 要解釋比你聽又難. 所以我先叫你去新宿再轉, 不過你自己都搵到, 你OK我就梗係無問題啦. ^^

      刪除
  4. 哈哈~好的!謝謝你呀~~~

    回覆刪除