貓空 / 動物園

去完美麗華之後, 繼續沿文湖線去到總站 - 動物園站. 呢度有台北兩個著名景點. 一個係 台北市立動物園, 另一個就係本文既主角 貓空纜車.

前往貓空同動物園既方法好簡單, 搭捷運文湖線, 去到總站 (動物園站) 就係架喇.

去到動物園站之後, 有指示牌教你行的. 其實好近架咋, 兩個景點都係喺正捷運站既旁邊, 行幾分鐘就到.

呢度有麥當勞, 亦都有酒樓同西餐廳. 可以食埋野先行都得.

 沿路行就算夏天都唔駛驚熱, 有噴水的.

買飛!! 成人單程NT$120. (一日來回票NT$260) 車程約10分鐘.

中途設有兩個中途站可供乘客上落, 指南宮站同動物園內站.

到左了. 先睇下外圍先.

上圖最左手邊近斑馬線嗰度其實係個公車站, 有部環山既公車, 半個鐘唔駛行一個圈.

 下圖右手邊好高嗰座就係台北101大樓喇, 老闆話夜晚黎影夜景好靚架!

喺貓空上面, 有好多間呢類型既露天茶座. 山上面最出名既就係茶. 你都叫番杯花茶飲啦.

文章最尾, 提提各位, 貓空纜車係休例一的.  即是話逢星期一休息維修架. 出發前記得上官網睇定先呀!

貓空纜車開放時間: 週二至週四    09:00 - 21:00

              週五及國定假期前一天        09:00 - 22:00

              週六及國定假日                 08:30 - 22:00

              週日及國定假期最後一天 08:30 - 21:00

貓空纜車網址 > http://www.gondola.taipei/

達思怪獅背秀 (ThatsWhy Special)

今集Special講下自己野先. 就係講文湖線既無人駕駛列車喇!

文湖線, 係台北市內唯一一條無人駕駛既鐵路 (當然唔計桃園機場內嗰條啦). 同日本既百合海鷗號一樣, 都係採用較窄身既車箱. 每列車可載約424 - 464人. 一如一般既無人駕駛列車, 車頭車尾有大玻璃窗. 亦都係用膠輪行駛的.