台北101, 不能說的秘密餐廳 (MrJ 義法廚房)

講明先, 呢篇文章既主題係電影 "不能說的秘密"  餐廳, 反而台北101得幾張相咁大把.

話說有一年我老婆豬生日, 唔知去邊度倒數好, 咁岩當年一套不能說的秘密電影就好流行. 跟住仲比我發現原來周生開左間不能說的秘密餐廳添. 於是就帶左我老婆豬去台北玩了.....

台北101係全台灣最高既大廈丫, 仲有全台灣最快既升降機. (原本仲係全球最高既大廈添, 不過呢個世界有無限金錢既杜拜, 所以咩紀錄都得個睇字). 裏面除左有好多商店同食肆之外 (呢D大型貴價商場必有既野我唔多講喇), 最多人去台北101, 都係為左上佢個觀景台.

呢部升降機唔講得笑, Toshiba為左佢特製. 當時仲係全世界最快速既電梯, 最快速度可達每分鐘1010公尺, 由5樓直達89樓觀景台僅需37秒 (以我所知呢個紀錄都被杜拜打破左了). 除左快之外, 仲好舒服, 因為加左減震既裝置. 對升降機有研究既朋友, 可以去升降機Forum度參詳下.

前往台北101可以搭捷運去市政府站出口2, 行幾分鐘就到. 觀景台收費NT$500 (朝九晚十).

MrJ 義大廚房 (不能說的秘密餐廳)

地址上面個地圖可以見到. 其實佢真係喺一間醫學學院入面的. 由台北101行過去約10分鐘. 睇地圖好似由六張犁站行過去近D, 不過我無試過, 因為我係去完101再去食野的. 價錢唔算太貴, 每人百幾蚊港紙左右, 味道就普通, 我睇大家當食個環境會開心D. 哈哈. 都係睇相吧.

生日有蛋糕送 (唔知係咪人人有架, 訂枱時我講明我老婆生日的)

呢度任你影相, 只要唔影響其他人就可以, 同店員影相係必然既項目, 因為佢地真係著番套戲入面一樣既校服的. 不過, 個Secret琴就唔可以彈了.

以下係台北101同MrJ 義法廚房既網址, 想訂枱既朋友可以上網預早一個月訂.

台北101 > http://www.taipei-101.com.tw/observatory.aspx

MrJ 義法廚房 >  http://www.butaya-tw.com/mrj/index.php

達思怪獅背秀 (ThatsWhy Special)

當日我就係去101倒數, 所以以下比幾張當日下午既相比大家睇. 每年喺市政府門口都會有舞台表演, 當地人下午已經去霸定位. 作為遊客既我地, 當晚十點左右要去到架喇, 再夜D入都入唔到架喇. 另外, 倒數完會有特別既交通指示同埋潮水式既離開安排, 中文字我諗大家都睇得明的.

(本文地圖取材自谷歌地圖)